Дойдуга ТОР 65 инвестиционнай бырайыактара Кытай хапытаала кыттыылаах олоххо киллэриллэллэр

Урутаан сайдар уонна Владивосток көҥүл пуордун территорияларыгар Кытай хапытаала кыттыылаах 1 трлн солк. суумаҕа 65 инвестиционнай бырайыактар олоххо киллэриллэллэр.

Бу туһунан Москваҕа Юрий Трутнев Российскай Федерация уонна Хотугулуу- Илиҥҥи Кытай Норуодунай Өрөспүүбүлүкэтин хотугулуу-илиҥҥи өттүгэр бииргэ үлэлээһиҥҥэ уонна сайыннарыыга норуоттар икки ардыларынааҕы хамыыһыйатын кытта көрсүһүүтүгэр иһитиннэрдэ.

«Быйыл балаҕан ыйыгар Владивостокка бэрэсидьиэн кыттыылаах онус Илиҥҥи экэнэмиичэскэй пуорум ыытыллыаҕа. Бу тэрээһин Азия-Тиихэй акыйаан эрэгийиэн дойдуларын кытта бииргэ үлэлээһини сайыннарыыга биир суолталаах былаһааккатынан буолар. Кытай үгэс быһыытынан Илиҥҥи экэнэмиичэскэй пуорум биир сүрүн ыалдьытынан буолар. Кытай кэллиэгэлэрин быйыл балаҕан ыйыгар онус Илиҥҥи экэнэмиичэскэй пуорум үлэтигэр кыттаргытыгар ыҥырабыт», — диэтэ Юрий Трутнев.

Мунньахха бииргэ үлэлээһиннэр кэскиллээх хайысхаларын дьүүллэстилэр. 6 сыл устата Кытай кытта Уһук Илин икки ардыларыгар табаар эргиирэ 2,5 төгүл улааппыт уонна 2023 сылга 1,9 трлн солк. куоһарбыт.

Кытай хампаанньалара кыттыылаах бырайыактар Уһук Илин уокурук инвестиция уопсай кээмэйин 10 %-нын ылаллар. Кытай хампаанньала технологическай партнердарынан буолаллар, саҥа тэрилтэлэр тутуу үлэтин толороллор, саҥа саҕалааһын үлэлэргэ кытталлар. Сиһилии манна аах.