Дойдуларын аһа туһалаатын

Байыастарга Саха сирэ тиһиктээхтик көмөлөһөр, өйөбүл буолар. Бу күннэргэ А.Д. Макарова аатынан Саха сиринээҕи култуура уонна ускуустуба кэллиэһин дириэктэрэ, Ил Түмэн дьокутаата Захар Никитин Москваҕа тиийдэ.

Кини бу айан соругун туһунан тг-ханаалыгар суруйда.

—Үгэс быһыытынан, аан маҥнай «Саха волонтердар» хамсааһын актыбыыстарын, салайааччы Туйаара Константинованы кытта көрүстүм. Саха сириттэн байыастарга анаммыт аһы-үөлү аҕалан туттардым. Бу сырыыга биир дойдулаахтарым, Төҥүлүтээҕи «Хоту» СХПК үлэһиттэрэ, дириэктэр Иван Ильич Максимов ыҥырыыбын ылынан, көмө-өйөбүл буоллулар.

Госпитальга эмтэнэр уолаттарбытыгар Сахаларын сирин төрүт аһа доруобуйаларын көннөрүнэллэригэр, түргэнник үтүөрэллэригэр хайаан да көмөлөһүө диэн эрэнэбин, — диэн суруйар Захар Николаевич.

Видео З.Никитин тиксэриитэ.