Хаартыска: Ил Дархан пресс-сулууспата
Ил Дархан Айсен Николаев бүгүҥҥү ГТРК “Саха” ханаалыгар быһа кэпсэтиитигэр байыаннай дьайыылар буола турар сирдэригэр анал тиэхиньикэни уонна сэби-сэбиргэли салҕыы ыыта олоробут диэн кэпсээтэ.
Кини быйылгы Кыайыы күнүн тэрээһиннэрин байыаннай эпэрээссийэҕэ ураты улахан болҕомтону ууран ыыппыттарын бэлиэтээтэ.
«Итинник буолара өйдөнөр, Аҕа дойду Улуу сэриитин кэмигэр биһиги эһээлэрбит, хос эһээлэрбит фашистары кытар сэриилэспиттэрин курдук, билигин биһиги буойуттарбыт эмиэ дойдуларын көмүскүү сылдьаллар. Кинилэри Кыайыы күнүнэн Саха сирин олохтоохторо, элбэх киһи эҕэрдэлээтэ. Ону таһынан биһиги байыастарбыт Улуу Кыайыы күнүнэн биир дойдулаахтарыттан ас нобуорун баһыылкатын туппуттара», — диэн Айсен Николаев эттэ.
Ил Дархан уолаттарбыт баһыылка тутан олус үөрбүттэрин, долгуйбуттарын бэлиэтээн туран, аны сайын ыһыах кэмигэр маннык ас нобуорун эмиэ ыытыахпыт диэн эттэ.
Итини таһынан өрөспүүбүлүкэ квадроцикл, тепловизор, атын даҕаны өйөбүлэ олус туһалааҕын, бойобуой сорудахтары толорорго көмөлөөҕүн, элбэх киһи олоҕун быыһыырын туһунан этилиннэ.
Саха сирин синоптиктарын сабаҕалааһынынан, бүгүн, ахсынньы 8 күнүгэр, өрөспүүбүлүкэ үгүс өттүгэр хаардыыр. Бу туһунан Саха…
Ахсынньы 7 күнүгэр Оһуокай куоракка олорор Бүлүү улууһун олохтоохторугар ананна. Куоракка олорор Бүлүү улууһуттан төрүттээх…
Дьүөгэм, Үп министерствотыгар таһаарыылаахтык үлэлээбит Анна Романовна Винокурова бочуоттаах сынньалаҥҥа олорор. Бу күннэргэ Дубайга олорор…
Аныгы сайдыылаах үйэбитигэр өрөспүүбүлүкэбит хайа да муннугар аны хаалыылаах, түҥкэтэх сир диэн суох. Бээ, бу…
Уһун, тымныы кыһыннаах, тыйыс айылҕалаах хоту дойдуга олорор буоланнар, өбүгэлэрбит барахсаттар күөх сайын уунар уйгутуттан…
Амма улууһун Соморсун нэһилиэгэр үлэһит тырахтарыыс уолаттар, эр дьон баар буоланнар, дэриэбинэ олоҕо күөстүү оргуйар.…