«Дойдум аһа» норуот аахсыйатыгар кыттыһаллар

Байыаннай дьайыы саҕаланыаҕыттан Саха сирин олохтоохторо ким-туох кыахтааҕынан көмөлөһө олороллор. Бу барыта үтүө санаалаах дьон ис дууһаларыттан оҥоһуллар көмө буолар.

«Эбээн-Бытантайдааҕы территориальнай быыбардыыр хамыыһыйа чилиэннэрэ «Дойдум аһа» норуот аахсыйатыгар кыттыһан, байыаннай дьайыы байыастарыгар анаан дойдуларын аһын хомуйдулар», — диэн Баатаҕай-Алыытыттан «Выборы» ГАС систиэмэтин администратора Христина Слепцова иһитиннэрэр.

Быыбары тэрийээччилэр саллааттар төрөөбүт дьиэлэрин сылааһын билэллэрин уонна кинилэри кэтэһэллэрин сырдык санаанан бигээн, бэйэлэрэ астаабыт астарын кэһии гынан ыыттылар.

Бу хаартыскаҕа Эбээн-Бытантайдааҕы территориальнай быыбардыыр хамыыһыйа бэрэссэдээтэлэ Анна Слепцова хомуйбут астарын ыытарга бэлэмнээн турар.