Салгыы
«Дойдум миэнэ Чаппанда» — ураты бырайыак

«Дойдум миэнэ Чаппанда» — ураты бырайыак

23.10.2022, 21:40
Бөлөххө киир:

Биэс сылынан,  2027 сылга, Ньурба улууһугар Саха сирин норуоттарын IX оонньуулара буолуоҕа.

Маныаха дойдуларын туһугар ыалдьар патриот дьон бу суолталаах тэрээһиҥҥэ номнуо бэлэмнэнэн, үлэ араас көрүҥүн саҕалаатылар. Кинилэртэн биирдэстэрэ, «Айар Кут” түмсүү, «PROФОТО» устуудьуйа  салайааччыта Егор Иванов төрөөбүт Чаппандатыгар туох сонун сүүрээни киллэрэн саҕалаабытын бу курдук кэпсиир:

—  «Айар Кут» түмсүү маҥнай тэриллиэҕиттэн араас эйгэ үлэһиттэрин түмпүтэ.  Билиҥҥи кэмҥэ аныгы тэтимнээх олоххо хас биирдии эдэр киһи бэйэтин түөлбэтин, дойдутун, култууратын ытыктыы, убаастыы улаатарыгар болҕомто уурарга уонна сөптөөх үлэни ыытарга бэйэтин иннигэр тустаах соругу туруоруохтаах. Ол буолар патриотизм диэн. Киһи буолан айыллан, бу сиргэ тирэхтээх буоларын ситиһэргэ өбүгэлэрбит үтүө үгэстэрин сөргүтэн, устуоруйаларын сырдатан, төрөөбүт төрүт тылы ырыанан, тойугунан, хоһоонунан, суругунан атын араас ньымалары холбуу тутан, араас тэрээһиннэри ыытар сорук турбута. Итинник санааттан үөскээбитэ «Дойдум миэнэ Чаппанда» диэн социокултуурунай бырайыак. Ньурба улууһугар ыытыллыахтаах  Саха сирин норуоттарын IX оонньууларыгар бэлэмнэниини мин төрөөбүт-үөскээбит нэһилиэкпиттэн саҕалыырга санаммытым. Чаппандаҕа, нууччалыы эттэххэ, «олимпийскай дэриэбинэ» оҥорор соруктаахпын. Ол инниттэн бастакы хамсааһын — ыһыахтыыр сирбитин былыргы сиэри-туому тутуһан оҥоруохпут. Күн көрсөр сирбитин Чаппандаҕа киириигэ «Бырыы күрүө» диэн сыһыыга оҥоруохпут. Манна кэнэҕэс  туристическай комплекс, паарка, дьон түһэр дьиэлэрэ, оҕо лааҕыра тутуллуохтара. «Дойдум миэнэ Чаппанда” диэн бырайыак хас да сыллаах буолуоҕа. Онон үлэбитин эһиил өссө күүһүрдэн биэрэр былааннаахпыт. 

Төрөөбүт дойдутун  сайыннарар соруктаах эдэр киһи бастаан утаа Чаппанда орто оскуолатын 110 сыллаах үбүлүөйүгэр анаан сонун бырайыак оҥорорго былааннаабыт. Ол инниттэн Егор Иванов олохтоох дьаһалта салайааччыта Краснослав Бухоловы, C.П.Алексеев-Боһуут аатынан орто оскуола дириэктэрэ Юрий Алексеевы уонна «Дьоҕур» Култуура дьиэтин дириэктэрэ Раиса Иванованы кытта атах тэпсэн олорон кэпсэппит, сүбэлэспит.  Хомойуох иһин, оскуола үлэҕэ киириэхтээх кэмигэр аһыллыбакка, тардыллыбыт. Онон Егор Иванов төрөөбүт дойдутун өйүүр соруктаах өссө далааһыннаах бырайыакка ылсарга санаммыт. Ол курдук, быйыл күһүн атырдьах ыйын 13 күнүттэн балаҕан ыйын 2 күнүгэр диэри 42 киһилээх айар куттаах дьону түмэн,  төрөөбүт нэһилиэгэр култуура дэсээнин тэрийбит. Онон бэйэтэ сыаллаах-соруктаах, бэрт чаҕылхай суоллаах-иистээх хамсааһын саҕаламмыт.
Егор Иванов бэлиэтииринэн, бырайыак саамай сүрүн соруга — ыччаты, оҕолору сырдыкка көҕүлээн, төрөөбүт дойдуга бэриниилээх буолууга иитии.

 «Нэһилиэк кэскилэ — оскуолабыт, уһуйааммыт оҕолоро буолаллар. Онон кинилэр сайыннахтарына, Чаппандабыт сарсыҥҥыта кэскиллээх буолара саарбаҕа суох«, — диэн санаатын үллэстэр Егор Иванов.
Сиһилии»Саха сирэ» хаһыат чэппиэрдээҕи нүөмэригэр «Айар кут» түмсүү салайааччыта Егор Ивановы кытта «Дойдум миэнэ Чаппанда” диэн бырайыак туһунан ирэ-хоро кэпсэтиибитин ааҕыҥ. Ийэ дойдуга бэриниилээх гына ыччакка патриотизмы иҥэрии сүрүн соругунан буолбут кэмҥэ сырдык, үтүө толкуйдаах дьонтон холобур оҥостуохха, кини бэйэтин уопутун үллэстэрин туһаныахха.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
20 июля
  • 18°C
  • Ощущается: 18°Влажность: 68% Скорость ветра: 2 м/с

Сообщить об опечатке

Текст, который будет отправлен нашим редакторам: