Хаартыска: Sakhagov
“Дойдуну көмүскээччилэр” судаарыстыба пуондатын Саха сиринээҕи салаата байыаннай дьайыы бэтэрээннэригэр уонна кинилэр дьиэ кэргэттэригэр көмөтө салҕанар. Салаа социальнай сүрүннээччилэрэ 9 тыһыынчаттан тахса киһини, ол иһигэр байыаннай дьайыы бэтэрээннэрин, байыаннай дьайыы кэмигэр өлбүттэр уонна сураҕа суох сүппүттэр дьиэ кэргэттэрин чилиэннэрин социальнай өттүнэн көрөр-истэр.
2025 сылга “Дойдуну харыстааччылар” салаатыгар 39 тыһыынчаттан тахса сурук киирбититтэн 33 тыһыынчата быһаарылынна, сороҕо үөрэтиллэ сылдьар.
Алексей Александров бэлиэтээбитинэн, 14 бэтэрээн-инбэлиит доруобуйаны чөлүгэр түһэрэр тиэхиньиичэскэй тэрилинэн хааччылынна. Былырыын илиинэн салайар массыынаны 4 бэтэрээн-инбэлиит ылбыта.
Салааҕа социальнай сүрүннээччилэр, СФР отделениетын, МФЦ, Үлэ уонна социальнай сайдыы, Доруобуйа харыстабылын, Үөрэх уонна наука министиэристибэлэрин, СӨ дьарыктаах буолуу судаарыстыбаннай кэмитиэтин исписэлиистэрэ, Дьокуускай куорат военкоматын үлэһиттэрэ уонна Арассыыйа Оборуонаҕа министиэристибэтин Байыаннай социальнай киинин бэрэстэбиитэллэрэ күн аайы гражданнары көрсөллөр.
Ону таһынан барыллаан суруйтарыынан юрисконсультааннар, Албакааттар балааталарын, Борокуратуура, Байыаннай борокуратуура үлэһиттэрэ, киһи быраабыгар боломуочуйалаах уонна Арассыыйа юристарын ассоциациятын үлэһиттэрэ сүбэ-ама биэрэллэр. Босхо юридическай көмө байыаннай дьайыы кыттыылаахтарын уонна кинилэр дьиэ кэргэттэрин 2184 боппуруостарынан оҥоһулунна.
Айсен Николаев Судаарыстыбаннай Мунньахха (Ил Түмэҥҥэ) туһаайан этиитигэр байыаннай дьайыы кыттыылаахтарын байыаннай сулууспаны, үлэттэн ууратыы, өйөбүл миэрэлэрин уонна төлөбүрүн ылыыны кытта сибээстээх балаһыанньаларын быһаарыы элбэх структура хардарыта бииргэ үлэлиирин эрэйэрин тоһоҕолоон бэлиэтээбитэ. Бу үлэ Дойдуну көмүскээччилэр пуондаларын Саха сиринээҕи отделениетын кытары бииргэ ыытыллар.
“Босхоломмут буойуннарга мэдиссиинэ көмөтө: доруобуйаны чинчийии, эмтээһин, биир кэлим реабилитация оҥоһуллар. Уустук анал көмөҕө “дьаакырдаах” килииникэлэр быһаарылыннылар. Байыаннай дьайыы бэтэрээннэригэр, ордук кинилэр дьиэ кэргэттэригэр, өлбүт уонна сураҕа сүппүт буойуттар оҕолоругар психологическай көмөнү күүһүрдүү ирдэниллэр. Ураты болҕомто буойуннарга социальнай реабилитация уонна эйэлээх олоххо адаптация боппуруостарыгар эрэйиллэр. Ол кинилэри үөрэтии уонна үлэҕэ ылыы, уопсастыба олоҕор тардыы”, — диэн Айсен Николаев бэлиэтээн эппитэ.
СӨ Ил Дарханын уонна бырабыыталыстыбатын пресс-сулууспата
Мииринэй оройуонун суута оройуоннааҕы балыыһа дерматовенеролог-быраас - буруйданар дьахтарга бириигэбэрин таһаарда. Суутунан быһаарыллыбытынан, 2023–2024 сс. …
Аан дойдутааҕы биисинэс эйгэтигэр «сымнаҕас» күүс диэн өйдөбүл баар – ол эбэтэр эрэгийиэн бэйэтин култууратын,…
Арассыыйа бастакы национальнай сервиһин – «МАХ» сыһыарыы кыахтара кэҥээн иһэрин туһунан www.sakha.gov.ru иһитиннэрэр. «МАХ» биир…
Саха Өрөспүүбүлүкэтигэр 2026 сылга баһаартан кутталлаах кэмҥэ бэлэмнэнии былааннаахтык ыытыллар. Онуоха биир сүрүн хайысханан Арктика…
Амма сэлиэнньэтигэр биир симиэнэҕэ 200 киһини көрөр кыамталаах поликлиниканы тохсунньу бүтүүтэ арыйар былааннаахтар. Мэдиссиинэ тэрилтэтигэр…
«Саханефтегазсбыт» АУо Өлүөнэ уонна Алдан өрүстэринэн ньиэби массыынанан таһыыны саҕалаата. «2026 сыл бастакы аҥаарыгар биһиги…