Номнуо сыл устата Саха сирин доруобуйа харыстабылын тиһигэ анал байыаннай дьайыы кыттыылаахтарын уонна кинилэр дьиэ кэргэттэрин реабилитациялааһыҥҥа мэдиссиинэ көмөтүн оҥорор.
Байыаннай дьайыы саҕаланыаҕыттан саха быраастара олохтоохторго мэдисиинэ көмөтүн оҥорууга саҥа территорияларынан тиһигин быспакка сылдьаллар. Бу үлэлэр Ил Дархан Айсен Николаев сорудаҕынан ыытыллаллар. Билигин Докучаевскайга саха быраастарын биригээдэтэ үлэлиир.
«Быраастар амбулаторнай көрүүлэри ыыталлар. Билигин кинилэр 450-тан тахса ыарыһахха, ол иһигэр 203 анал байыаннай дьайыы кыттыылаахтарыгар көмө оҥордулар», — диэн муус устар 22 күнүгэр СӨ Доруобуйаҕа харыстабылын министиэристибэтин мэдиссиинэ көмөтүн Департаменын кылаабынай исписэлииһэ Анастасия Эверстова иһитиннэрдэ. Дьокуускайдааҕы быраастар биригээдэлэрэ төгүрүк суукканы тохтобула суох приемнай уонна хирургия отделениеларыгар экстреннай ыарыһахтарга консультациялары ыыталлар. 108 эппэрээссийэ оҥоһулунна. Саха быраастара нэһилиэнньэҕэ көмөнү эрэ буолбакка, куорат киин балыыһа исписэлиистэрин кытта ыкса эмиэ үлэлэһэллэр. Билигин мэдииссинэ көмөтө 1635 анал байыаннай дьайыы кыттааччыларыгар оҥоһулунна.
Быйыл муус устар 6 күнүттэн Саха сиригэр байыаннай дьайыы кыттыылаахтарыгар диспансеризациялааһын саҕаламмыта. Тэрээһини нэдиэлэ ахсын субуота күн өрөспүүбүлүкэ бастакы звеноларын бары мэдииссинэ тэрилтэлэрэ ыыталлар. Быйыл сэрэтэр тэрээһиннэри 36 байыаннай дьайыы кыттыылаахтара аастылар.
СӨ Ил Дарханын уонна Бырабыыталыстыбатын пресс-сулууспата
Емельян Ярославскай аатынан түмэлгэ Аан дойдутааҕы түмэл күнүгэр анаммыт ''Түмэл түүнэ'' тэрээһиҥҥэ элбэх интэриэһинэй экскурсиялар,…
Өрөспүүбүлүкэ сиригэр-уотугар халаан туругун ыам ыйын 18 күнүгэр ыксаллаах балаһыанньаны сэрэтиигэ уонна туоратыыга хамыыһыйа мунньаҕар…
Халаан уутуттан эмсэҕэлиир нэһилиэктэр ахсааннарыгар урут хаһан да киирбэтэх Хатырык нэһилиэгэ улахан ууга ылларан, олохтоохтору…
Ыам ыйын 17 күнүгэр Нам улууһугар «Библионочь-2024» Бүтүн Арассыыйатааҕы аахсыйа Арассыыйаҕа Дьиэ кэргэн сылын чэрчитинэн…
Бүгүн, ыам ыйын 18 күнүгэр, Аан дойду үрдүнэн Түмэл күнэ бэлиэтэнэр. Бу күнү көрсө Амматааҕы…
Эми-тому атыылаһан баран, аны хайдах иһэр туһунан ыйыыны-кэрдиини (инструкцияны) төһө билсэбитий? «Күҥҥэ үстэ биир табылыакканы…