Хаартыска СӨ Бырабыыталыстыбатын пресс-сулууспатыттан
Уочараттаах брифинг кэмигэр СӨ Бастайааннай бэрэстэбиитэлэ, Саха сирин Биир кэлим координационнай киин салайааччыта Андрей Федотов Ил Дархан анал байыаннай дьайыы зонатыгар оробуочай сырыытын туһунан кэпсээтэ.
Андрей Федотов эппитинэн, Айсен Николаев анал байыаннай дьайыы зонатыгар бириэмэттэн тиһигин быспакка сылдьар диэн СӨ Баһылыгын уонна Бырабыыталыстыбатын пресс-сулууспата иһитиннэрэр.
«Ол иһин биһиэхэ өрөспүүбүлүкэ баһылыга анал байыаннай дьайыы сиригэр Биир кэлим координационнай киин үлэтин туһунан сыанабылы истии олус улахан суолталаах этэ. Манна даҕатан эттэххэ, Айсен Сергеевич биһиги тирэх пууннарбыт үлэһиттэригэр махтанна, Доннааҕы Ростовка уонна «лиэнтэ нөҥүө» үлэни тэрийии туһунан билистэ. Кини ону тэҥэ Докучаевскай куоракка сылдьан, чөлүгэр түһэрии үлэтин көрдө-иһиттэ, үлэ хаамыытын сыаналаата, сорудах биэрдэ», — диэтэ Андрей Федотов.
Биир кэлим координационнай киин салайааччыта Докучаевскайга үлэ үчүгэй тэтиминэн барарын бэлиэтээтэ. Биир эбийиэк номнуо бэлэм буолла – анал байыаннай дьайыы кыргыһыыта бара турар сириттэн олох чугас сытар Докучаевскай уокурук Еленовка бөһүөлэгэр Элбэх өҥөнү оҥорор киин тутулунна. «Бу өҥөнү оҥоруу аныгы офиһын аһыы, ДНӨ баһылыга Денис Пушилин бэлиэтээбитинэн, — бу өссө чугастааҕы кэмҥэ Донбаска уонна Новороссияҕа дьон эмиэ Арассыыйа атын куораттарыгар курдук олороллорун өссө биир туоһута», — диэн Андрей Федотов бэлиэтээтэ.
Саха сирэ Докучаевскайга куораттары чөлүгэр түһэриинэн эрэ муҥурдаммакка, кэккэ гуманитанай бырайыактары олоххо киллэрэр, балыыһаларга биһиги быраастарбыт үлэлииллэр диэн эттэ Биир кэлим киин салайааччыта. Бу балыыһа анал байыаннай дьайыы бара турар сириттэн чугас буолан, үгүстүк бааһырбыт байыастары эмтиир, ол иһигэр биһиги бэйэбит биир дойдулаахтарбыт бааллар. Балыыһаларга саҥа аныгылыы оҥоһуулаах оборудованиенан эмиэ хааччыйабыт, биһиги биир дойдулаахтарбыт, Иван Луцкан салайааччылаах Офтальмологическай килииникэ быраастара эпэрээһийэ оҥорон саҕалаатылар диэн Андрей Федотов кэпсиир.
Координационнай киин салайааччыта этэринэн, биир да күн өрөбүлэ суох үлэлиир, Саха сирин тутааччылар эмиэ ытыктабылы ылалларын бэлиэтиир.
Саха сиригэр пионерскай тэрилтэ төрүттэммит күнүнэн 1924 сыл олунньу 17 күнэ ааҕыллар. Бу күн Дьокуускайга…
Нерюнгри куоракка ыытыллыбыт Арассыыйа үөрэнээччилэрин XII Спартакиадаларын II түһүмэҕэр уус-уран гимнастикаҕа Саха сирин спортсменкалара 3 …
Таатта улууһугар Таптал, Эрэл, Итэҕэл сылынан уонна Саха Өрөспүүбүлүкэтигэр "Ньургуһун" күнүнэн тыл үөрэхтээҕэ, биллиилээх литературнай…
Халаан уутуттан эмсэҕэлиир нэһилиэктэр ахсааннарыгар урут хаһан да киирбэтэх Хатырык нэһилиэгэ улахан ууга баран, олохтоохтор…
Казахстаан Өрөспүүбүлүкэтигэр Саха сирин күннэригэр саха норуотун ускуустубатын уонна култууратын көрдөрөр “Сокровище Якутии» быыстапка киэҥ…
Сааскы халаантан бу күннэргэ Нам уонна Өлүөхүмэ улуустара эмсэҕэлээтилэр. Баартыйа эрэгийиэннээҕи салаатын исполкомун салайааччыта Сулустаан…