Докучаевскайга Саха сирин быраастара 230-тан тахса эпэрээссийэни оҥордулар

Донецкай Норуодунай Өрөспүүбүлүкэ Докучаевскай куоратыгар Саха сирин быраастара үлэлии сылдьалларын туһунан СӨ доруобуйа харыстабылын министиэристибэтин нэһилиэнньэҕэ мэдиссиинискэй көмөнү тэрийэр департаменын исписэлииһэ Анастасия Тарабукина иһитиннэрэр.

“Докучаевскайга тиийиэхтэриттэн офтальмологтар уонна хирурдар 230-тан тахса эпэрээссийэни оҥордулар. Кинилэр нэһилиэнньэҕэ практическай көмөнү эрэ оҥорботтор, ону тэҥэ киин куораттааҕы балыыһа исписэлиистэриниин бэйэлэрин уопуттарын атастаһаллар. Күн бүгүн 20-тэн тахса лапароскопическай эпэрээссийэ оҥоһулунна”, — диэн бэлиэтээтэ Анастасия Тарабукина.