Хаартыска: СИА
Донецкай Норуодунай Өрөспүүбүлүкэ Докучаевскай куоратыгар Саха сириттэн хирург быраастар биригээдэлэр баран, үлэлии сылдьаллар. Кинилэр куорат олохтоохторугар мэдиссиинэ көмөтүн оҥороллор уонна Докучаевскай миэдиктэрин кытта уопуттарын үллэстэллэр.
Биригээдэҕэ Дьокуускайдааҕы искэн диспасерын анестезиолог-реаниматолога, хирурдар, Мииринэйтэн, Намтан травматолог быраастар бааллар. Бу бөлөҕү доруобуйа харыстабылын министиэристибэтин кылаабынай хирура Василий Игнатьев салайан илдьэ сылдьар. Хирурдар эпэрээссийэлэри оҥороллор.
— Докучаевскай куорат Саха сирин «шефтэһэр» куората буоларынан, быраастар мэдиссиинэ көмөтүн оҥоро олунньу 29 күнүгэр көппүттэрэ. Билигин тэтимнээхтик үлэлии-хамсыы сылдьаллар, элбэх эпэрээссийэни оҥордулар, — диэн доруобуйа харыстабылын министиэристибэтин кылаабынай терапевт-бырааһа Айталина Торонова кэпсээтэ.
Байыаннай дьайыы саҕаланыаҕыттан, Саха сирин быраастара Донбасска хаста да бара сырыттылар. Ордук Саха сирэ «шефтэһэр» Кировскай куоратыгар баран, дьону эмтээн, олохтоохтор махталларын ылыахтарын ылбыттара.
Ол курдук, офтальмологическай диспансер быраастара хаста да баран, олохтоохтор харахтарыгар эпэрээссийэлэри оҥорон, эмтээн, көрөн-истэн, абыраабыттара.
Ил Дархан, бырабыыталыстыба дьаһалтатын пресс-сулууспата.
«Архиграф» бырайыактыыр мастарыскыай хаачыстыбалаах, эрэллээх аныгылыы уонна табыгастаах олорор дьиэлэри оҥорор диэн Саха сирин архитектураҕа…
Дьокуускай Гагаринскай уокуругар баар сылаас тохтобуллартан биирдэстэрин кимнээх урусхаллаабыттарын полиция быһаарда. Бу туһунан Уопсастыбаннай сирдэр…
Арассыыйаҕа бэлиэтэнэр Ийэ күнүн көрсө, сэтинньи 22 күнүгэр Саха сиригэр элбэх оҕолоох ийэлэргэ судаарыстыбаннай наҕараадалары…
Дьокуускай куоракка Саха тыйаатырын Алампа саалатыгар «Суоһалдьыйа Толбонноох" айымньытын суруллубут историятын сэгэттэххэ» диэн ураты кинигэ…
Дьокуускай полициятыгар эр киһи 12 тыһ.солк. суумалаах төлөпүөнүн уордарбытын туһунан иһитиннэрбит диэн СӨ ИДьМ пресс-сулууспата…
Аан дойдуга буола турар быһыы-майгы туһунан Ил Дархан Айсен Николаев телеграм-ханаалыгар санаатын үллэһиннэ: -- Арҕааҥҥы…