Хаартыска: sakha.gov.ru ылылынна
Ыччат киинэ былааннанар былаһааккатын СӨ Бырабыыталыстыбатын Бэрэссэдээтэлин солбуйааччы Анатолий Семенов көрдө.
«Манна Кировскайга курдук ИТ-киини тэрийэр былааннаахпыт. Билигин бырайыактыыр үлэлэр ыытыллаллар. Саҥа кииҥҥэ ыччаттар элбэх сонун билиини ылыахтара, айар дьоҕурдарын, урбаан хайысхатыгар ураты толкуйдарын сайыннарыахтара«, — диэн этэр кини.
Вице-премьер куоракка чөлүгэр түһэрии үлэлэрин билистэ. Билигин Саха сирин өйөбүлүнэн 11 эбийиэк чөлүгэр түһэриллэр, саҥалыы уларытыллан оҥоһуллар. Ол иһигэр, саалалаах уонна сөтүөлүүр сирдээх (бассейн) успуорт комплекса түмүктэннэ.
«Докучаевскайга бу эбийиэктэр үлэҕэ киириилэрэ, арыллыылара дьон-сэргэ санаатын өрө көтөҕүө. Биһиги өрөспүүбүлүкэбит куоракка олох-дьаһах хаачыстыбатын тупсарарга туһуламмыт социальнай бырайыактары сайыннарыыга үлэтин салгыыр», — диэн бэлиэтиир Анатолий Семенов.
Ааспыт 2024 сылга ыкса сибээс олохтоммут ДНӨ Докучаевскайыгар Саха сирин исписэлиистэрэ 60 тахса эбийиэги өрөмүөннээбиттэрэ.
СӨ Ил Дарханын уонна Бырабыыталыстыбатын пресс-сулууспата
Хаартыскалар: sakha.gov.ru ылылыннылар
Саха сирин дзюдоистката Надежда Татарченко Арассыыйа сүүмэрдэммит хамаандатын састаабыгар киирэн Босния уонна Герцеговинаҕа ыытыллыбыт Европа…
СӨ Тыатын хаһаайыстыбатын уонна ас-үөл бэлиитикэтин министиэристибэтэ үһүс күнүн "Саха сирин балыга" дьаарбаҥканы ыытар Балыктыыр…
Суйдаммыт, иһийбит чараҥмар Санааргыы, чуҥкуйа хаамабын, Суһаллык күрэммит сайыммын Сайыһа, аймана хаалабын... Тыбыс-тымныы, алтан дуйдаах күһүнү оҕо эрдэхпиттэн…
Кисиэнньэ Дьокуускай уоттара кыламнаһа хаалбыттарын сөмөлүөт иллюминаторынан одуулаһан хаалла. Чэ, бакаа, Дьокуускай, хаһан эрэ кэлиэҕим,…
Бүгүн, алтынньы 26 күнүгэр, Дьокуускай куорат Комсомольскай болуоссатыгар «Саха сирин балыга» диэн ааттаах үгэс буолбут…
Киэһэ хойут айаннаан иһэн көрдөхпүнэ, уулусса устун эрдэҕэс саастаах оҕолор хаамса сылдьар буолаллар. Бу оҕолор…