Хаартыска: sakha.gov.ru ылылынна
Ыччат киинэ былааннанар былаһааккатын СӨ Бырабыыталыстыбатын Бэрэссэдээтэлин солбуйааччы Анатолий Семенов көрдө.
«Манна Кировскайга курдук ИТ-киини тэрийэр былааннаахпыт. Билигин бырайыактыыр үлэлэр ыытыллаллар. Саҥа кииҥҥэ ыччаттар элбэх сонун билиини ылыахтара, айар дьоҕурдарын, урбаан хайысхатыгар ураты толкуйдарын сайыннарыахтара«, — диэн этэр кини.
Вице-премьер куоракка чөлүгэр түһэрии үлэлэрин билистэ. Билигин Саха сирин өйөбүлүнэн 11 эбийиэк чөлүгэр түһэриллэр, саҥалыы уларытыллан оҥоһуллар. Ол иһигэр, саалалаах уонна сөтүөлүүр сирдээх (бассейн) успуорт комплекса түмүктэннэ.
«Докучаевскайга бу эбийиэктэр үлэҕэ киириилэрэ, арыллыылара дьон-сэргэ санаатын өрө көтөҕүө. Биһиги өрөспүүбүлүкэбит куоракка олох-дьаһах хаачыстыбатын тупсарарга туһуламмыт социальнай бырайыактары сайыннарыыга үлэтин салгыыр», — диэн бэлиэтиир Анатолий Семенов.
Ааспыт 2024 сылга ыкса сибээс олохтоммут ДНӨ Докучаевскайыгар Саха сирин исписэлиистэрэ 60 тахса эбийиэги өрөмүөннээбиттэрэ.
СӨ Ил Дарханын уонна Бырабыыталыстыбатын пресс-сулууспата
Хаартыскалар: sakha.gov.ru ылылыннылар
Ыйытыыга Арассыыйа ФНС Саха Өрөспүүбүлүкэтигэр управлениетын 1 разрядтаах исписэлииһэ Пелагея Гуляева маннык хоруйдаата: — Арассыыйа ФНС саайтыгар…
Быйыл 3-тэн 79-гар диэри саастаах нэһилиэнньэ уопсай ахсааныттан физическэй култууранан уонна успуордунан систиэмэлээхтик дьарыктанар дьон…
РИА Новости ааҕан-суоттаан таһаарбытынан, эһиил дойдуга сааһынан страховой биэнсийэ барыларыттан ордук Чукоткаҕа үрдүөҕэ, онно эбиллиитэ…
Дьокуускай куорат борокуратуурата киин куорат икки олохтооҕун туһунан судаарыстыбаннай буруйдааһыны өйөөтө. Кинилэр РФ ХК 126-с…
Бүгүн, ахсынньы 20 күнүгэр, Дьокуускай куоракка өрөспүүбүлүкэ бары муниципальнай оройуоннарыттан уонна куорат уокуруктарыттан 8-11 кылаас…
Дойдутааҕы МАХ мессенджергэ 75 мөлүйүөн туһанааччы бэлиэтэннэ. Платформа пресс-сулууспата иһитиннэрбитинэн, ахсынньыга сервиһи ортотунан суукка аайы…