Хаартыска: Алексей Федотов тиксэриитэ.
Бу Өймөкөөн улууһун суһал ыстаабын уочараттаах мунньаҕар кэккэ боппуруос көрүлүннэ.
— Бу күннэргэ ыытыллыахтаах үлэ кээмэйэ бигэргэтиллэн, аны ол үлэни ыытыыга улуус бүддьүөтүгэр киирэр үбү кэтэһэбит. Харчы киирдэ да, былааннаммыт үлэ ыытыллан барыаҕа. Ол эбэтэр сүрүн сорук – айан суолларын чөлүгэр түһэрии, күргэлэри өрөмүөннээһин, нэһилиэк иһинээҕи суоллары саҥардан оҥоруу. Онон хас биирдии баһылыкка туһаайан сэрэттибит – бары ыытыллар үлэ докумуоннанан иһиэхтээх. Бу ирдэбил эмсэҕэлээбит социальнай эбийиэктэри, ол иһигэр култуура уонна үөрэх тэрилтэлэригэр ыытыллар үлэни докумуоннааһыҥҥа эмиэ сыһыаннаах. Онон эмиэ болҕомто киинигэр турар. Бу күннэргэ Чурапчыттан айанаан иһэр тутуу биригээдэтин Сордоҥноох нэһилиэгэр көмөҕө ыытыахпыт. Улуус нэһилиэктэригэр үлэлии кэлэр биригээдэлэр уоннуу күн үлэлииллэр. Онон үлэһит илиини табатык туһанар сорук турар. Атырдьах ыйын 15-16 күннэригэр чөлүгэр түһэрии үлэ сүрүн чааһа түмүктэнэр. Атырдьах ыйын 20 күнүгэр “Теплоэнергосервис” тэрилтэ ититии тиһиктэрин өрөмүөнүн түмүктүөҕэ, — диэн бэлиэтээтэ улуус баһылыгын бастакы солбуйааччы Алексей Федотов.
Миигин 1943 сыл сайыныгар Дьокуускай куорат холбоһуктаах байаҥкамаата аармыйаҕа ыҥырбыта. “Ленин” борохуотунан Өлүөнэ эбэбитин өксөйөн…
Тыа хаһаайыстыбатын атын салааларыгар курдук, Саха сирин таба иитэр хаһаайыстыбаларыгар түбүктээх сайыҥҥы күннэр тураллар. Өрөспүүбүлүкэ…
Дьокуускай, Хаҥалас улууһун Покровскай куоратын оҕо саадыгар өр сылларга методиһынан, кэлин киин куоракка оҕо саадын…
Эрэдээксийэҕэ сурук киирдэ. “Оҕо 17 сааһын туолла да, босуобуйа ылбат. Өскөтүн ыал дохуота кыра буоллаҕына,…
Хаан баттааһына эмискэ тахсар түгэнигэр киһи минньигэһи, туустааҕы, аһыыны аһыыра, арыгы иһэрэ, табах тардара хааччахтардаах.…
Үүттүгэннээх сайыҥҥы күннэри баттаһа тыа сирин дьонугар үлэ-хамнас үгэнэ. Үүтү туттарыы, от үлэтэ. Ол быыһыгар…