Хаартыска: Яна Байгожаева.
Дьокутаат Виктор Лебедев уонна «Саханефтегазсбыт» аатыттан М.Е. Николаев аатынан Мэдиссиинэ киинин — 1-кы №-дээх Өрөспүүбүлүкэтээҕи балыыһа кардиологическай уонна пульмонологическай отделениеларыгар сытар кырачаан оҕолорго Саҥа дьыллааҕы бэлэхтэри туттардылар.
Минньигэс кэмпиэттэргэ уонна оонньуурдарга харчыны «Саханефтегазсбыт» тэрилтэ салалтата уонна үлэһиттэрэ «Коробка радости» аһымал аахсыйа чэрчитинэн хомуйбуттара. Маны тэҥэ, кардиологическай отделение үлэһиттэригэр Виктор Лебедев бэчээттиир тэрили бэлэхтээтэ.
Тэрилтэ аатыттан бэлэхтэри идэлээх сойуус салаатын бэрэссэдээтэлэ Аяна Другина туттарда.
Мэдиссиинэ киинин педиатрическай киинин дириэктэрэ Людмила Николаева уонна педиатр-быраас Саргылаана Иннокентьева Виктор Лебедевкэ уонна «Саханефтегазсбыт» хампаанньаҕа истиҥник махтаннылар. Манна эмтэнэр оҕолортон үгүстэрэ ыраах улуустартан төрөппүттэрэ суох кэлэн сыталлар.
«Саханефтегазсбыт» сыллата бэлэхтэри оҥорорун оҕолор да, үлэһиттэр да долгуйа күүтэллэр.
Маны тэҥэ, норуот дьокутаата Виктор Лебедев көҕүлээн, бэйэтин үбүттэн Таатта, Томпо улуустарын кыаммат ыалларын оҕолоругар Саҥа дьыллааҕы бэлэх оҥорор. Оскуолалары бүтэрэр бастыҥ үөрэнээччилэргэ уонна 1-кы кылааска киирэр оҕолорго бэлэхтэри туттарар диэн «Саханефтегазсбыт» АУо пресс-сэкиритээрэ Яна Байгожаева иһитиннэрэр.
,
Чукотка автономнай уокуругар Баимскайдааҕы хайа байытар кэмбинээтин тутуу саҕаланна. Баимскайдааҕы ГОК тутуутун хаамыытын РФ Бырабыыталыстыбатын…
Күн оройо буола оҕуста. Сотору кэминэн улахан оҕолоро оскуолаттан кэлиэхтэрэ. Аҕалара эбиэттии кэлиэ. Бэйи эрэ,…
Ил Дархан Айсен Николаев Аҕа дойду Улуу сэриитин кыттыылааҕар Николай Иванович Афанасьевка "Саха Өрөспүүбүлүкэтин бочуоттаах…
Улуу Кыайыы өрөгөйдөөх күнүгэр Ийэ дойдуларын көҥүлүн күөннэринэн хаххалаан көмүскээбит, итии хааннарын тохпут буойун суруналыыстар…
Бүгүн, муус устар 19 күнүгэр, сарсыарда Уус Алдан улууһун Балыктаах сэлиэнньэтигэр Васильев уулуссатыгар дьиэ умайа…
П.Чайковскай аатырбыт муусукатыгар «Щелкунчик» балеты дьиэ кэргэнинэн сөбүлээн көрөллөр. Оҕолор бу остуоруйа судургу сюжетын ордороллор.…