Дьокутаат Владимир Ю Дьокуускай к. мээрин куонкуруска олоҕуран талыахха диэн көҕүлээһини өйөөтө

“Арассыыйа коммунистара” Коммунистическай баартыйа” баартыйаттан кэлим быыбардыыр уокурук дьокутаата Ю Владимир Шиндикиевич улахан быыбардары аччатар көҕүлээһини өйүүрүн биллэрдэ диэн иһитиннэрэр “Якутия24” информационнай портал.

Владимир Шиндикиевич Сэбиэскэй Сойуус кэмигэр баар быраактыканы санатта, ол саҕана горисполком бэрэссэдээтэллэрин үлэһиттэр куораттааҕы сэбиэттэрин дьокутааттара аныыллара, оттон дьокутааттары нэһилиэнньэ талара.

Владимир Ю арҕаа дойдулар өттүлэриттэн “биллэриллибэтэх сэрии” кэмигэр быыбардарга үбү-харчыны ыскайдыыр сатаммат диэн тоһоҕолоон бэлиэтээтэ.

“Улахан быыбардарга үбү-харчыны, күүһү-кыаҕы ыытар табыллыбат. Ол кэриэтин бу 65 мөл. солк. байыаннай дьайыы араас кыһалҕатыгар ыытан көмөлөһүөххэ наада”, — диэн түмүктээтэ дьокутаат.