СИА архыыбыттан.
Саха сиригэр сэдэх балык көрүҥнэригэр сокуоннайа суох балыктааһын иһин ыстарааптааһыҥҥа дьокутааттар суолталаах быһаарыыны ылыммыттарын туһунан Ил Түмэн сир сыһыаннаһыыларыгар, айылҕа ресурсаларыгар уонна экологияҕа сис кэмитиэтин бэрэссэдээтэлэ Андрей Находкин иһитиннэрдэ.
Кини этэринэн, норуот дьокутааттара эрэгийиэҥҥэ балыктааһын быраабылаларын кэһии иһин ыстарааптары кыччатыыга РФ Бырабыыталыстыбатыгар этии ыытар туһунан көҕүлээһини бигэргэттилэр. Бу кыһалҕа өрөспүүбүлүкэ олохтоохторо, идэтийбит булчуттар уонна балыксыттар буруйдуур дьаһал үрдүгүттэн астымматах этиилэрин кэнниттэн үөскээтэ, диэн Ил Түмэн пресс-сулууспата суруйар.
Өлүөнэ өрүс кытылыгар сокуоннайа суох бултааһын (тутуу) иһин ыстараап кээмэйэ билиҥҥитэ 160 тыһ. солк. 21 тыһ. солк. диэри кыччыахтаах. Муксуун иһин ыстараап – 3,6 тыһ. солк. тэҥнэһиэхтээх.
Андрей Находкин ыстарааптары кыччатыы уу ньуурдарын аттыларыгар, биэрэккэ олорор нэһилиэнньэни көмүскүүргэ туһуламмытын тоһоҕолоон бэлиэтээтэ. Ол эрээри айылҕа харыстабылыгар тахсар кэһииллиилэргэ эппиэтинэс миэрэтин тутуһар, быраканьыардааһыны сэрэтэр үлэ болҕомтоҕо ыллыллыахтааҕын туһунан эттэ.
Маны таһынан, Ил Түмэн Бэрэссэдээтэлэ Алексей Еремеев «Уһук Илин уонна Забайкалье» парламент Ассоциациятын мунньаҕар дойду атын эрэгийиэннэрин бэрэстэбиитэллэрэ Саха сирин дьокутааттарын көҕүлээһиннэригэр биир санааны тутуһан өйүүллэригэр ыҥырда. Бииргэ үлэлээһин үтүө түмүктэри түргэнник ситиһэргэ кыах биэриэҕэр халбаҥнаабат эрэллээҕин биллэрдэ.
Дьокутааттар баһыйар куоластарынан быһаарыы ылылынна. Докумуон билигин дойду Бырабыыталыстыбатын таһымыгар көрүллүөхтээх. Ыстарааптары ааҕыы ньыматыгар киирбит этиини бырабыыталыстыба быһаарыахтаах.
Бу сыл тохсунньу-бэс ыйдарыгар ИДьМ дааннайынан, дойду үрдүнэн 55,9 тыһыынча суол быһылаана бэлиэтэммит, бу ааспыт…
Аны түөкүннэр сымыйа QR-кодтары туһанар буолбуттар. Ону сканердаан, дьон харчытын түөкүннэр счеттарыгар ыытар кутталламмыт. Бу…
Атырдьах ыйын 13 күнүгэр, сэрэдэҕэ, Дьокуускайга былааннаммытынан быстах кэмҥэ уоту, ууну уонна гааһы араарыахтара. Куораттааҕы…
Бу сыл иккис кыбаарталыгар дойду үрдүнэн ипотекаҕа уонна тырааныспар кирэдьиитигэр иэстээх дьон суумата икки бүк…
«ВИС» бөлөх Өлүөнэ күргэтин тутуутугар эбии кыамтатын улаатыннарар. Эбэ уҥа кытылыгар тиэхиньикэни уонна үүттүүр тэрили…
Атырдьах ыйын 13 күнүнээҕи туругунан өрөспүүбүлүкэ сиригэр-уотугар умайа турар ойуур баһаара суох. Бу туһунан Саха…