Хаартыска: Василий Кононов түһэриитэ.
Олунньу 28 – кулун тутар 1 күнүгэр болдьоммут Ил Түмэн алтыс ыҥырыытын дьокутааттарын уочараттаах 42-c пленарнай мунньаҕын үлэтэ салҕанар.
Дьокутааттар кэккэ суолталаах боппуруостарга Ил Түмэн уураахтарын ылыннылар. Ол курдук, өрөспүүбүлүкэ судьуйаларын квалификационнай кэллиэгийэтигэр уопсастыбаннас бэрэстэбиитэлигэр киирбит икки хандьыдааттан элбэх куолаһы ылан Андрей Корякин ананна, СӨ Уопсастыбаннай палаататын чилиэнигэр үс хандьыдааттан кистэлэҥ куоластааһынынан талыллан, Марина Бахилина бигэргэтилиннэ. Итиэннэ салгыы СӨ ИДьМ уорганнарын 2022 сыллааҕы үлэлэрин отчуота көрүлүннэ.
Өрөспүүбүлүкэ быраабы харыстыыр уорганнарын 2022 сыллааҕы үлэлэрин отчуотун тула балачча кэпсэтиилэр таҕыстылар. Ол курдук отчуоту туруорбут Владимир Прокопенкоҕа туһаайан дьокутаат Александр Кошуков Нерюнгри оройуонугар контрафактнай арыгыны атыылааһыҥҥа күүстээх үлэни ыыппытын, ол эрээри федеральнай суол кытыытынааҕы кафеларга арыгыны көҥүлэ суох атыылааһыҥҥа болҕомтону уурар наадатын эттэ. Владимир Прокопенко салгыы вице-спикер Виктор Губарев, дьокутаат Мария Христофорова өрөспүүбүлүкэҕэ биллэр-көстөр уопсастыбаннай, политическай диэйэтэл Анатолий Чомчоойоп дьыалатын көрүү ханна тиийбитин туһунан ыйытыыларыгар хоруйдаата. Дьыала сибидиэтэл суоҕунан сибээстээн уустугун, биирэ быһаҕынан анньыы кэнниттэн саанан ыппытын, атына саанан ыппытын иһин быһаҕынан аспытын курдук көрдөрүүлээхтэр, ол эрээри холуобунай дьыаланы көрүү кулун тутар 13 күнүгэр диэри уһатыллыбытын, онтон салгыы суукка барарын туһунан эппиэттээтэ. Мария Христофорова киин куоракка оптуобус сылаас тохтобулларыгар мустар дьон туһунан нэһилиэнньэттэн полицияҕа киирэр сайабылыанньаларга туох дьаһал ылыллара көстүбэтин, уулуссаларга видеокамералары туруоруу биир өттүнэн буруйу арыйыыга көмөлөөҕүн, бу боппуруоска эдэр «айтишниктар» аныгы ситими туруорууга этиилэрин көтөхтө. Уон сыллааҕыта туруоруллубут камералар эргэлэрин быһыытынан икки сүүсчэ саҥа видеокамера үлэлии турарын, балар көмөлөрүнэн ааспыт сылга 27 буруйу оҥоруу арыллыбытын бэлиэтээн кэпсээтэ. Виктор Губарев Арассыыйа байыаннай күүстэрин хараардыы боппуруоһун тохтотууга киэҥ кыттыылаах кэпсэтиини тэрийэр боппуруоһу болҕомтоҕо ыларыгар сүбэлээтэ.
Дьокуускайга национальнай многоборьеҕа уолаттар уонна кыргыттар ортолоругар күрэхтэһии түмүктэннэ. Манчаары оонньууларыгар 32 путевка бас билээччилэрэ…
Госдуумаҕа Үлэҕэ, социальнай бэлиитикэҕэ уонна бэтэрээннэр дьыалаларыгар кэмитиэтин баһылыга Ярослав Нилов (ЛДПР) дьиэ хаһаайыстыбатынан дьарыктанар…
Дьокуускай аэропорда Тиксии бөһүөлэгиттэн Ан-26 сөмөлүөтүнэн көтөн кэлбит 18 көлүүр табаны көрүстэ. «Сыаналаах уонна тыыннаах…
Хотугу норуоттар остуоруйалара "Сбербаан" үлэһиттэрин куоластарынан саҥардылар. "Сбербаан" Саха сиринээҕи салаата уонна Национальнай бибилэтиэкэ үлэһиттэрэ…
Саха сирин тырааныспарга борокуратуурата сөмөлүөккэ күлүгээннээбит пассажирга холуобунай дьыаланы тэрийдэ. Быһылаан 2025 сыл тохсунньутугар «Новосибирскай…
Кулун тутар 14 күнүгэр Айсен Николаев Өрөспүүбүлүкэтээҕи террору утары үлэлиир хамыыһыйа мунньаҕын ыытта. Манна тырааныспар,…