Хаартыска: yakutskcity.ru
Дьокуускайга Ленин проспегар бэдэрээччити кытта түһэрсиллибит дуогабарынан эбии суол дьаамаларын өрөмүөнүн ыыталлар.
Бу туһунан Дьокуускай куорат уокуруктааҕы дьаһалтатын Тыраныыспарга уонна тырааныспар инфраструктуратын Департаменын начаалынньыга Василий Аммосов иһитиннэрдэ.
«Ленин проспегар бэдэрээччит мэктиэлиир эбэһээтэлистибэлэринэн аспаал суол алдьаммыт сирдэринэн уонна дьаамаларын оҥорууга өрөмүөн ыытыллар. Сотору кэминэн суолу аспааллааһын үлэтэ түмүктэниэҕэ. Бэс ыйын 3 күнүнээҕи туругунан куорат үрдүнэн былааннаммыт өрөмүөннээһин үлэтэ ыытыллыбыта 61% тэҥнэстэ. Маны таһынан Советскай Армия 50 сыла, Лермонтов, Каландаришвили уонна Ярославскай ааттарынан уулуссаларыгар өрөмүөн үлэтэ барар. «Азия оҕолоро» успуорт оонньууларыгар бэлэмнэнии чэрчитинэн өрөмүөн үлэтэ бэс ыйын 19 күнүгэр диэри түмүктэниэхтээх», — диэтэ Василий Аммосов. Суол оҥорооччулар дьаамалары оҥороллору таһынан аспаал бүрүөһүнүн чөлүгэр түһэрэллэр.
Бэлиэтээн эттэххэ, Ленин проспегын генеральнай бэдэрээччитэ — «Дорстрой» ХЭУо ону кытта «Кинг- 95» ХЭуо.
Балаҕан ыйын 18-21 күннэригэр Дьокуускайга Преображенскай собуорга Сибэтиэй Боҕоруодьусса курун сорҕото аҕалыллан, дьоҥҥо көрдөрүүгэ туруоҕа.…
Бүгүн сарсыарда саайпытыгар Дьокуускай куоракка Сайсары күөлгэ 2000 с.т. эр киһи тимирбитин туһунан иһитиннэрбиппит. Күөл…
Балаҕан ыйын 26-28 күннэригэр Саха сиригэр аан бастаан Бүтүн Арассыыйатааҕы үҥкүү спордун күрэхтэһиитэ буолуоҕа, онно…
2025 сылга Саха сиригэр биэс муоста тутуллан бүтэрэ былааннанар. Бу туһунан тырааныспар уонна суол хаһаайыстыбатын…
Өлүөхүмэ куорат баһылыга Сергей Щебляков бэйэтэ баҕа өттүнэн астаапкаҕа барда. Бу туһунан "Өлүөхүмэ" оройуоннааҕы хаһыат …
Ыйытыы: РФ Үлэ кодексын 128 ыстатыйатынан көрүллүбүт, хамнаһа суох уоппуска хайдах бэриллэрий? Үлэни биэрээччи үлэһит…