Хаартыска Иосиф Слепцов тиксэриитэ
Дьокуускай куорат 13 нүөмэрдээх оскуолатыгар Арассыыйаҕа Аҕа дойдуну көмүскээччи, Саха сиригэр Ийэ дойдуну көмүскээччи сылларын түмүктүүр, ону тэҥэ Арассыыйаҕа Норуоттар сомоҕолоһууларын , Саха сиригэр Култуура сылларын аһар үөрүүлээх тэрээһин буолла.
Бу бэлиэ күн Арассыыйа, Саха Өрөспүүбүлүкэтин уонна Дьокуускай куорат Өрөгөйүн ырыаларынан саҕаланна, былаахтары күөрэччи көтөҕөн киллэрдилэр. Тэрээһиҥҥэ Саха сирин дьахталларын сойууһун бэрэссэдээтэлэ Анжелика Андреева, Промышленнай уокурук управатын салайааччыта Дмитрий Захаров кыттыыны ыллылар.
Оскуола дириэктэрэ, байыаннай дьайыы бэтэрээнэ уонна кыттыылааҕа Иосиф Слепцов эҕэрдэ тылыгар устуоруйа өйдөбүлүн хаалларыы уонна патриот дьону иитии суолтатын туһунан тоһоҕолоон бэлиэтээтэ. Ааспыт сыл устатыгар бу оскуола хорсун быһыы уруоктарын, быыстапкалары, успуорт күрэхтэһиилэрин уонна байыаннай дьайыы кыттыылаахтарын кытта көрсүһүүлэри элбэхтик тэрийэн ыытта.
Ураты түгэнинэн байыаннай дьайыыга сылдьар буойуттар оҕолорун чиэстээһин буолла. Дмитриенко Валерий (7 «Б»), Коротенко Данил (7 «В»), Коротенко Максим (4 «А»), Кузнецов Павел (7 «В»), Пичков Даниил (7 «А»), Полянскай Егор (10), Рудых Александр (8 «Б»), Сивцев Валерий (11), Сивцев Александр (5 «В»), Спиридонов Дмитрий (8 «Б») бэлиэтэннилэр.
Анжелика Андреева сомоҕолоһуу биһиги уопсай сорукпут уонна эппиэтинэспит буоларын бэлиэтээтэ. Кини «Родина, мама, я» диэн этно-бырааһынньык кыттыылаахтарыгар — Гончаровтар, Никитиннэр, Мурадяннар, Кабыловтар, Цыбиковтар дьиэ кэргэттэригэр Махтал суруктары туттарда.
Дмитрий Захаров норуоттар сомоҕолоһуулара дойдубут күүһүн уонна уйгутун бигэ тирэҕэ буоларын тоһоҕолоон эттэ.
Тэрээһин үрдүк таһымнаахтык ааста. 7 «В» кылаас эдэр армеецтара Юнармия өрөгөй ырыатын толордулар, оскуола тыйаатырын кыттыылаахтара «Помните» диэн хоһоону аахтылар, «В семье единой» кулууп иитиллээччилэрэ Арассыыйа туһунан хоһооннору хомоҕойдук аахтылар. Түмүккэ «Контраст» үҥкүү устуудьуйата «Я, ты, он, она» ырыанан дьоро киэһэни киэргэттэ.
Хаартыскалар: Иосиф Слепцов тиксэриитэ
Тохсунньу 25 күнүгэр Арчы дьиэтигэр өрөбүллээҕи Оһуокайбыт буолла. Бүгүҥҥү алгыстаах Оһуокай Сунтаар улууһугар ананна. Сунтаар…
600-тэн тахса киһи олорор Мытаах нэһилиэгэр “Аартык”, “Дүөдэ”, “Дьөлөккөн” түөлбэлэр бааллар. Күннэтэ олохпут уларыйар, сайдар…
2025 сыллаахха олунньу саҥатыгар СӨ бырабыыталыстыбата өрөспүүбүлүкэҕэ 2030 сылга диэри туризмы сайыннарыы стратегиятын бигэргэппитэ. …
Үөһээ Бүлүү улууһун Өргүөт нэһилиэгин олохтоохторо байыаннай дьайыыга сылдьар хорсун буойуттарын өйүүллэр, кинилэр үтүө көмөлөрө…
Билии чыпчаалын баһылаабыттар ааттара билиннэ. "Кубок знатоков наслега" түмүктэннэ! Бу туһунан биһиэхэ Өспөхтөн бибилэтиэкэр Сайыына …
Кириһиэнньэ тымныылара ааһан, күн уһаабыта биллэн эрэр. Мантан ыла сылыйан, сырдаан, саас диэки чугаһаан иһиэхпит.…