Хаартыска: Анна Лебединская, СИА
Дьокуускайга «Спортивная» түөлбэҕэ 126 кыбартыыралаах дьиэлэр бастакы үс сиэксийэтин тутуута быйыл от ыйыгар саҕаланыаҕа.
Эбийиэктэри тутууну сэргэ инженернэй коммуникацияларын ууруу үлэтэ ыытыллар диэн Саха сирин Бырабыыталыстыбатын бэрэссэдээтэлэ Кирилл Бычков иһитиннэрдэ.
«Олорор дьиэни тутуу саҕаланыыта хаһан саҕаланарый? диэн ыйытык үгүс олохтоохтору долгутар. Бастакы саҥа үс сиэксийэни тутуу бастакы сыбаайа түһэриллибит былаһааккатыгар от ыйыттан саҕаланыаҕа. Коммуникациялары тардыыга чопчу уустуктар бааллар, бу харгыстары туоратыыга үлэ хайыы-үйэ ыытыллар. Быйыл ону хааччыйар тэрилтэлэр саҥа былааны торумнаатылар уонна инникитин бэйэлэрин инвестиционнай бырагыраамаларыгар киллэриэхтэрэ. Инженернэй коммуникацияларын холбооһуҥҥа тэхиниичэскэй усулуобуйатыгар уустуктар баалларынан, комплекс тутуутун саҕаланыытын болдьоҕо хас да төгүл халбарыйа сылдьыбыта. Бу өттүгэр сөптөөх быһаарыы ылынарга хос көрүллүөҕэ», — диэтэ Кирилл Бычков.
Бытаарыыны таһаарбыт иккис улахан суолталаах түгэнинэн тутуу барыахтаах учаастакка турар икки дьиэттэн дьону көһөрүүнү кытта сибээстээх. Дьокуускайдааҕы дьиэ-уот сыһыаннаһыыларыгар департаменын исписэлииһэ иһитиннэриитинэн, олохтоохтор «Звезднай» түөлбэҕэ көһөргө бэлэмэ суохтар – аккаастаналлар. Кирилл Бычков бу боппуруоһу кичэйэн үөрэтэргэ уонна олохтоохтору кытта саҥа көрсүһүүнү тэрийэргэ сорудахтаата.
«Үгүс олохтоохтору кытта дуогабар түһэрсилиннэ, атыттары кытта салгыы үлэлиэхтээхпит. Ону таһынан манна муниципальнай кыбартыыраларга олорон дьон кытта баар, кинилэр боппуруостарын эмиэ быһаарыахха наада. Өрөспүүбүлүкэ өттүттэн судаарыстыбаннай уонна муниципальнай былаас уорганнара үбүлээһин, былааннааһын уонна дьону көһөрүү тэрээһиннэринэн толору хааччыйыахтара. Бу өттүгэр олохтоохтору кытта үлэ көхтөөхтүк барыаҕа диэн эрэннэрдилэр. Мин тус бэйэм баһылык сорудаҕын толорууну хонтуруоллуоҕум», — диэн Саха сирин Бырабыыталыстыбатын бэрэссэдээтэлэ бэлиэтээтэ.
«РИА» СЗ АУо иһитиннэриитинэн, 17 кыбаарталга 160-ча олорор дьиэ көтүрүллүөхтээх, көһөрүллүөхтээх. Ону сэргэ хамыыһыйа Пионерская уулуссаҕа 214 миэстэлээх оҕо уһуйаанын тутуллуохтаах былаһаакканы көрдө.
Таалай күөл кытылыгар, муостатыгар ыы-быччары киһи муһунна. Бары цииркэ артыыһа канаатынан хаамарын долгуйа кэтэһэллэр. Бастаан…
Саха Өрөспүүбүлүкэтин муниципальнай тэриллиилэрин сиригэр уопсай үөрэх тэрилтэлэригэр 1-тан 11 кылааска диэри үөрэнэр элбэх оҕолоох…
Арассыыйаны Чуумпу акыйааҥҥа таһаарыахтаах тимир суол тутуута 1974 сыллаахха саҕаламмыта. Байкал - Амур магистралын уһуна…
Үлэ уонна социальнай сайдыы министиэристибэтэ иһитиннэрбитинэн, өрөспүүбүлүкэҕэ Дьиэ кэргэн, ону тэҥэ Оҕо саас сылын алта…
Өрөспүүбүлүкэ киин куоратыгар Эллэй Боотур муус дыбарыаһыгар "Азия оҕолоро" VIII оонньуулар чэрчитинэн кураш тустуу бастакы…
50 сыл анараа өттүгэр Бүтүн Сойуустааҕы ыччат хамсааһына - БАМ тутуута саҕаламмыта. От ыйын 4…