Бу оскуола үөрэнээччилэрэ «Азия оҕолоро» норуоттар икки ардыларынааҕы спортивнай оонньууларга кыттарга Саха сирин сүүмэрдэммит хамаандатыгар киирбиттэрэ. Бу туһунан оскуола дириэктэрэ Андрей Новоприезжай иһитиннэрэр.
«Оҕолорбут билигин успуорт саҥа саалатыгар туох баар кыһамньыларын ууран дьарыктаналлар. Саҥа саалабыт «Киокусинкай в школу» бырайыагынан тутуллубута. Оскуолабытыттан өрөспүүбүлүкэ сүүмэрдэммит хамаандатыгар 6 спортсмен киирдэ. Дзюдоҕа, хотугу многоборьеҕа, көҥүл тустууга уонна буулдьанан ытыыга«, — диэн киэн тутта этэр оскуола дириэктэрэ.
Уопсайа 466 кв.м. иэннээх успуорт саалата саҥа тэрилинэн толору хааччыллыбыт. Манна уруоктары таһынан, эбии дьарыктар ыытыллаллар.
«Сүүмэрдииллэригэр биһиги наһаа долгуйбуппут. Тириэньэрдэрбит уонна күн аайы ыытыллар дьарыктар көмөлөрүнэн сүүмэрдэммит хамаандаҕа киирдибит. Оонньууларга туох баар кыһамньыбытын ууран кыттыахпыт«, — диэн 11 кылаас үөрэнээччитэ, СӨ уонна Уһук Илин ФУо чөмпүйүөнэ, Арассыыйаҕа успуорт маастарыгар хандьыдаат Мадина Цуканова үөрүүтүн үллэстэр.
Санатар буоллахха, «Киокусинкай в школу» бырайыак РФ Бырабыыталыстыбатын бэрэссэдээтэлин солбуйааччы – РФ Бэрэсидьиэнин Уһук Илиҥҥэ боломуочуйалаах бэрэстэбиитэлэ Юрий Трутнев уонна РФ Уһук Илин сайдыытын министиэристибэтин салайар Алексей Чекунков өйөбүллэринэн олоххо киирэр. Бырайыагы Киокусинкай каратеҕа аан дойду үс төгүллээх чөмпүйүөнэ Хаид Мантаев көҕүлээбит. Бырайыак олоххо киириитэ, оҕолор успуордунан дьарыктаныыларын усулуобуйатын тупсарарын таһынан, нэһилиэнньэ физкултууранан, успуордунан дьарыктаныытын улаатыннарбыт.
СӨ Ил Дарханын уонна Бырабыыталыстыбатын пресс-сулууспата
Хаартыска СИА архыыбыттан
Суһал ыстаап киэһээҥҥи брифинигэр бүгүн, ыам ыйын 19 күнүгэр, СӨ Бырабыыталыстыбатын бэрэссэдээтэлин бастакы солбуйааччы Дмитрий…
Саха сиригэр пионерскай тэрилтэ төрүттэммит күнүнэн 1924 сыл олунньу 17 күнэ ааҕыллар. Бу күн Дьокуускайга…
Нерюнгри куоракка ыытыллыбыт Арассыыйа үөрэнээччилэрин XII Спартакиадаларын II түһүмэҕэр уус-уран гимнастикаҕа Саха сирин спортсменкалара 3 …
Таатта улууһугар Таптал, Эрэл, Итэҕэл сылынан уонна Саха Өрөспүүбүлүкэтигэр "Ньургуһун" күнүнэн тыл үөрэхтээҕэ, биллиилээх литературнай…
Халаан уутуттан эмсэҕэлиир нэһилиэктэр ахсааннарыгар урут хаһан да киирбэтэх Хатырык нэһилиэгэ улахан ууга баран, олохтоохтор…
Казахстаан Өрөспүүбүлүкэтигэр Саха сирин күннэригэр саха норуотун ускуустубатын уонна култууратын көрдөрөр “Сокровище Якутии» быыстапка киэҥ…