Хаартыска: Саргын Скрябин, ЯСИА
Бу сыл бүтүөр диэри Дьокуускай куорат Якутскай, Космонавтар уонна Пионерскай уулуссаларын икки ардыларыгар турар 2Б кыбаарталыттан 17 саахалланар туруктаах дьиэттэн дьону көһөрүөхтэрэ.
Олохтоохторго «Сулустаах» түөлбэ дьиэлэригэр кыбартыыралар эбэтэр сыаналаммыт сууматыгар олоҕуран харчынан төлөбүр бэриллиэҕэ. Бу кинилэргэ бэйэлэрэ баҕарбыт атын дьиэлэрин атыылаһар кыаҕы биэриэҕэ.
«Биһиги 2-с уонна 17-с кыбаарталлар оннуларыгар тутуллар «Спортивнай» комплекснай кыбаартал сирин-уотун көрдүбүт. Номнуо 11 саахалланар туруктаах дьиэ көһөрүлүннэ. Быйыл кинилэр ахсааннара 17-ҕэ тиийиэҕэ. «Спортивнай» кыбаартал үөрэх, оҕо уонна успуорт эйгэтигэр сыһыаннаах бары наадалаах инфраструктуранан толору хааччыллыаҕа. Биһиги 11 мэндиэмэннээх элбэх кыбартыыралаах дьиэ тутуутугар сырыттыбыт. Манна урут олорбут дьон «Сулустаах» кыбаарталга кыбартыыра ыллылар», — диэн СӨ бырабыыталыстыбатын бэрэссэдээтэлэ Кирилл Бычков кэпсээтэ.
2Б кыбаарталга 11 мэндиэмэннээх дьиэ 2027 сылга тутуллуоҕа. Бүгүн тутуу былаһааккатыгар дьиэ икки секциятыгар сыбаайалар туруорулуннулар. Үһүс мэндиэмэн кырыыһаларын уонна холоунналарын монолитнай конструкцияларын арматуралааһын уонна бетон кутуута ыытылла турар. Элбэх кыбартыыралаах дьиэлэри тутар инниттэн түөрт саахалланар туруктаах дьиэ көһөрүлүннэ уонна көтүрүлүннэ. Өрөспүүбүлүкэ тутуутун миниистирэ Дмитрий Романов этэринэн, сири-уоту комплекснайдык сайыннарыы бырагырааматын олоххо киллэрии бүтүн кэмигэр «Спортивнай» оройуоҥҥа 300 тыһыынчаттан тахса квадратнай миэтэрэ саҥа дьиэни тутар былааннанар.
«Манна технологическай холбонууга аналлаах инженернэй инфраструктураны саҥардан оҥоруу уонна тэрийии ирдэниэҕэ. Ол курдук, саҥа канализация коллекторын тутуута, уунан хааччыйыы, уотунан хааччыйар «Хатыҥ-Үрэх» подстанциятын саҥардан оҥоруу уонна ГРЭС-1 кэлэр ититэр ситимнэри саҥардыы. Үбүлээһиҥҥэ уопсай ирдэбил 7 млрд солкуобайтан тахса. Биһиги манна федеральнай үнүстүрүмүөннэри, казначейство инфраструктурнай кирэдьииттэрин, ону тэҥэ РФ Тутуутун министиэристибэтин нөҥүө олоххо киирэр СКС бырагырааматын чэрчитинэн үбүлээһини туһанабыт», — диэн Дмитрий Романов бэлиэтээтэ.
Ахсынньы 6 күнүгэр Амма сэлиэнньэтин «Дружба» успуорт комплексыгар успуорт көрүҥүн бочуоттаах бэтэрээнэ Геннадий Васильевич Окороков…
Дьокуускайга икки эр киһи субуотаҕа балыктыы тахсан баран, дьиэлэригэр төннүбэтэхтэр. Кинилэри көрдүү бэнидиэнньиккэ үс быыһааччы…
Казань куоракка уус-уран гимнастикаҕа Арассыыйа Куубагын күрэхтэһиитэ түмүктэннэ. Онно дойду 20 эрэгийиэниттэн 150-тан тахса бастыҥ…
Erid: 2SDnjduRUSK Ахсынньы 1–21 күннэригэр мета-куйаарга «Сайылык» онлайн-бэстибээл ыытыллыаҕа. Манна көрөөччүлэр Саха сирин ускуустубатын, киинэтин,…
Өлүөхүмэ оройуонун борокуратуурата сибээс туһунан федеральнай сокуон толоруллуутун бэрэбиэркэлээтэ. Бэрэбиэркэ түмүгүнэн, Өлүөхүмэ куоракка уонна тыа…
Ил Түмэҥҥэ ыытыллыбыт төгүрүк остуол кыттыылаахтара өрөспүүбүлүкэ бырабыыталыстыбатыгар Российскай Федерация сиригэр-уотугар үлэлиир Баһаары утары эрэсиим…