Дьокуускай 31 №-дээх оскуолатыгар «Дьоруой паартатын» туруордулар

 Байыаннай дьайыы кыттыылааҕа Валерий Николаевич Черемисин бу оскуоланы 1994 сыллаахха бүтэрбит.

—«Дьоруой паартата» бырайыак көлүөнэлэри ситимниир. Бу биһиги үөрэнээччилэрбитигэр бэриниилээх буолуу холобура. Биһиги оскуолабытын бүтэрбит Валерий Николаевич  бары көлүөнэлэргэ, кэнчээри ыччакка үтүө дьыаланы оҥорорго, туруоруллубут сыалы-соругу ситиһэргэ сирдиир холобурунан буолар», — диэн этэр оскуола дириэктэрэ Алина Бубякина.

Тэрээһиҥҥэ байыас дьоно, табаарыстара, байыаннай сулууспалаахтар, Арассыыйа Дьоруойа Филипп Евсеев, бойобуой дьайыылар кыттыылаахтара Айаан Алексеев, «Память Воинов СВО» дьиэ кэргэттэрин түмсүүтүн бэрэссэдээтэлэ Жанна Грекова кыттыыны ыллылар.

Кинилэр үтүөкэннээх аҕа, бэриниилээх доҕор уонна Аҕа дойду көмүскээччитэ Валерий Черемисин өйдөрүгэр-санааларыгар, сүрэхтэригэр мэлдьи баар буолуоҕун эттилэр. Сулууспатын кэмигэр кини сэттэтэ наҕараадаламмыт:  биэс мэтээл уонна Орден Мужества.

«Дьоруой паартатыгар» бастакынан оҕунан ытыыга успуорт маастарыгар кандидат, 8 «В» кылаас үөрэнээччитэ Анастасия Щербакова уонна «Алые паруса» ДОО көхтөөх кыттааччыта, «За развитие детского движения ГО «город Якутск» бэлиэ хаһаайына, 11 «А» кылааска үөрэнэр Алексей Сентисов олорор үрдүк чиэскэ тигистилэр.

СӨ Ил Дарханын уонна Бырабыыталыстыбатын пресс-сулууспата

Максим Петров хаартыскаларга түһэриитэ