Хаартыска «Боевые шелкопряды» хамсааһын тиксэриитэ
Саха сирин амарах, үтүө санаалаах дьоно-сэргэтэ байыаннай дьайыыга кытта сылдьар биир дойдулаахтарбытыгар көмөлөрө уҕараабат. Эдэрдиин, кырдьаҕастыын бука бары туох кыахтаахтарынан көмөлөһөллөр.
Бүгүн Дьокуускай куорат 7 №-дээх оскуолатын оҕолоро байыаннай дьайыыга сылдьар байыастарга анаан хомуйбут гуманитарнай көмөлөрүн учуутталара Зиляра Кириллина уонна Эвелина Тоноева «Боевые шелкопряды» хамсааһыҥҥа аҕалан туттардылар.
Кинилэри Дьокуускай куорат Орджоникидзе уулуссатын 10 дьиэтигэр «Боевые шелкопряды» волонтердара Вера Егорова, Лидия Николаева, Лидия Алексеева, Любовь Винокурова, Антонина Ефимова, Прасковья Захарова үөрэ-көтө көрүстүлэр.
«Дьокуускай куорат 7 №-дээх оскуолатын оҕолоро сүрүн филиалбытыгар иккис төгүлүн гуманитарнай көмө аҕалан үөртүлэр. Өрүү көмөлөһөр, истиҥник саныыр оскуолабыт кэлэктиибигэр, оҕолорго махталбытын тиэрдэбит. Аҕа дойдуларын көмүскүү сылдьар биһиги биир дойдулаахтарбытыгар, оҕолорбутугар, буойуттарбытыгар, хоту дойду хоһууттаргар кэһии, бэлэх оҥорон ыытыахпыт диэн эрэннэрэбит. Уолаттарбыт этэҥҥэ эргиллэн кэлэллэригэр баҕарабыт, барыларын таптыыбыт, күүскэ да күүскэ кууһабыт, сыллыыбыт, кэтэһэбит!», — дэһэллэр «Боевые шелкопряды» хамсааһын волонтердара.
Соторутааҕыта Ил Дархан Айсен Николаев Кириэмил дыбарыаһыгар “Баҕа санаа харыйата” тэрээһиҥҥэ кыттыыны ылбыта. Бу туһунан…
Саха сиригэр ааспыт сууккаҕа түөрт буруйу оҥоруу буолбутун туһунан СӨ Борокуратуурата иһитиннэрэр. Амма улууһун Өнньүөс…
Таксыы, ОДьКХ төлөбүрдэрин, маркетплейстэртэн табаар сакаастааһыны куттала суох хайдах төлүүбүт? Баан каартатын дааннайдарын түөкүттэр туһамматтарын…
Саҥа сылбыт бу тиийэн кэллэ. Сорохтор “Саҥа дьылбыт” диэхтэрэ. Ол эрээри, тохсунньу 1 күнүттэн саҕаланар…
Бүгүн, ахсынньы 30 күнүгэр, Саха сирин сорох улуустарыгар -23 кыраадыс буолара күүтүллэр диэн УГМС иһитиннэрэр.…
Биэс сыллаах тохтобул кэнниттэн Судаарыстыбаннай Кириэмил дыбарыаһыгар бастыҥ устудьуоннарга, үөрэх олимпиадаларын, айар куонкурустар, спортивнай күрэхтэһиилэр…