Дьокуускай аэропордугар дуобакка аан дойду чөмпүйүөннэрин көрүстүлэр

Бүгүн, алтынньы 2 күнүгэр, Дьокуускайга аан дойду уонна Арассыыйа чөмпүйэнээтигэр ситиһиилээхтик кыттыбыт  Саха сирин дуобакка сүүмэрдэммит хамаандата көтөн кэллэ. Николай Стручков, Тунаара Федорова уонна Сандаара Апросимова аан дойду чөмпүйүөннэринэн буолбуттара.

Оттон Арассыыйа чөмпүйэнээтигэр биһиги хамаандабыт түөрт кыһыл көмүс мэтээллэммитэ. Гаврил Колесов, Юлия Никанорова, Айсен Егоров уонна Тунаара Федорова кыайыылаах үрдүк аатын ылбыттара.

Спортсменнары СӨ Успуорка уонна физическэй култуураҕа миниистирин бастакы солбуйааччы Гаврил Мохначевскай, СӨ сүүмэрдэммит хамаандаларын бэлэмниир киин дириэктэрэ Михаил Пахомов, Дуобат федерациятын бэрэстэбиитэллэрэ, чугас дьонноро, доҕотторо көрүстүлэр диэн «Триумф» пресс-сулууспата иһитиннэрэр.