Дьокуускай аэропордугар волонтер Марина Бахилинаны көрүстүлэр

Бүгүн, ахсынньы 30 күнүгэр, ДНӨ-ҕө баар Саха сирин тирэх пуунун волонтера Марина Бахилина Дьокуускайга кэллэ. Кинини үөрүүлээх быһыыга-майгыга аэропордка көрүстүлэр.

Ол курдук, кинини Дьокуускайдааҕы кадетскай оскуола иитиллээччилэрэ, Аҕа дойду буойуннарын дьиэ кэргэннэрин кэмитиэтин чилиэннэрэ, бииргэ үлэлиир дьоно уонна Саха сирин баһылыгын уонна бырабыыталыстыбатын дьаһалтатын салайааччы Георгий Михайлов көрүстүлэр.

«Бу күннэргэ Саха сирин тирэх пуунун волонтердара байыастарга хас даҕаны тыһыынча таһаҕас тириэртилэр. Ил Дархаҥҥа, Саха сирин олохтоохторугар биһиги уолаттарбытын өйүүргүтүн иһин махтанабын. Байыастар биһиги кинилэри ахтарбытын, кэтэһэрбитин билэллэр. Бииргэ күүстээхпит! Кыайыы биһиги диэки!», — диэтэ Марина Бахилина.