Дьокуускай-Аллараа Бэстээх хайысханан паром алтынньы ый бүтүөр диэри сылдьыаҕа

Дьокуускай – Аллараа Бэстээх хайысханан паром сырыыта алтынньы ый бүтүөр диэри салҕаныа. СӨ Тырааныспарга министиэристибэтэ иһитиннэрэринэн, паром сырыыта бигэргэтиллибит сайыҥҥы кыраапыгынан үлэлиир.

«Барыта 13 паром үлэлиир, сырыыларын интервала бигэргэтиллибит араспысаанньаҕа сөп түбэһэр. Росморречфлот быһаарыытынан, навигация кэмэ быһа барыллаан алтынньы ортотугар диэри салҕаныа, ол гынан баран сабыллар болдьоҕо Өлүөнэ өрүс гидрологическай туругуттан тутулуктаах. «Паромы Якутии» ХЭТ дьыл кэмин уларыйыытыгар сөп түбэһиннэрэн саҥа тарыыптары олохтоото. Навигация кэмэ бүтүөр диэри СӨ Сыанаҕа судаарыстыбаннай кэмитиэтин быһаарыытынан, олохтоммут сайыҥҥы тарыыптар туһаныллаллар», — диэн  министиэристибэ пресс-сулууспата иһитиннэрэр.

Муус туруутун кэмигэр таһаҕаһы тиэйиинэн Өлүөнэтээҕи холбоһуктаах өрүс пароходствота дьарыктаныаҕа. Таһаҕаһы тиэйии «Жатай – Төхтүр» хайысханан оҥоһуллуоҕа.