Хаартыска: ЯСИА
Дьокуускай – Аллараа Бэстээх хайысханан паром сырыыта алтынньы ый бүтүүтэ тохтотуллара былааннанар. Болдьоҕо күн-дьыл туругуттан уонна уу балаһыанньатыттан көрөн, уларыйыан сөп, диэн СӨ Тырааныспарга уонна суол хаһаайыстыбатыгар министиэристибэтин пресс-сулууспата иһитиннэрэр.
«Билиҥҥи туругунан, гидрологическай балаһыанньаттан уонна килиимэт усулуобуйатыгар олоҕуран, Дьокуускай – Аллараа Бэстээх хайысханан паром сырыыта алтынньы ый бүтүөр диэри салҕанара былааннанар», — диэн биэдэмистибэ иһитиннэриитигэр этиллэр.
Билигин Дьокуускай уонна Аллараа Бэстээх хайысханан паром сырыыта сайыҥҥы кыраапыгынан, эрэсиим быһыытынан үлэлиирэ чопчуланар. Министиэристибэ дааннайынан, бу хайысханан 13 паром сылдьар.
«Сырыы кыраапыга тутуһуллар, араспысаанньаҕа сөп түбэһиннэрэн оҥоһуллар. Уочарат үөскээтэҕинэ, тырааныспары туоратыы күүһүрдүллүбүт эрэсииминэн ыытыллыаҕа. Куттал суох буолуутун үрдэтэр сыалтан, ГАИ патруллара тэрилиннилэр», — диэн биэдэмистибэҕэ бэлиэтээтилэр.
Росморречфлот быһаарыытынан, бу хайысхаҕа навигация чуолаан алтынньы 16-18 күннэригэр диэри салҕаныаҕа, ол эрээри күнэ-дьыла уларыйыан сөп диэн биэдэмистибэ бэлиэтиир.
Навигация бүтүөр диэри СӨ Сыанаҕа судаарыстыбаннай кэмитиэтэ олохтообут сайыҥҥы тарыыптар уларыйбакка тураллар. Тымныйан, муус туруута саҕаланнаҕына, өҥө оҥоруу сыаната уларыйыаҕа уонна атын тарыыпка көһүөҕэ диэн биэдэмистибэ сэрэтэр.
Сотору кэминэн тарыыптар үрдүүллэринэн сибээстээн, СӨ Тырааныспарга министиэристибэтэ олохтоохторго уонна тэрилтэлэргэ айаннарын эрдэттэн былаанныылларыгар, ону таһынан навигация кэмэ бүтүөр диэри таһаҕаһы кэмигэр тиэрдэри хааччыйалларыгар ыҥырар. Навигация түмүктэммитин кэннэ, паром өҥөтүн тарыыптара судаарыстыбанан бигэргэммэттэр диэн биэдэмистибэҕэ бэлиэтээтилэр.
Орто Халымаҕа арыгы иһэн баран итирик туруктаах тахсыбыт иирсээн алдьархайга тиэрдибит. Эрин куукуна быһаҕынан өлөрбүт…
Күн уота аҕыйыыр, күн кылгыыр, кириип, сыстыганнаах вирус ыарыытын ахсаана элбиир – кыһын киһиэхэ санаа…
Владимир Балынец дойду паралимпийскай сүүмэрдэммит хамаандатын састаабыгар киирэн, пауэрлифтиҥҥэ аан дойду чөмпүйэнээтин үрүҥ көмүс мэтээлин…
Бу күннэргэ Ньурба олохтооҕо, история учуутала Галина Копылова дьиэтигэр гранат диэн экзотическай фруктаны үүннэрбитин хаартыскалара…
Бырабыыталыстыба бэрэссэдээтэлин солбуйааччы – Бэрэсидьиэн Уһук Илиҥҥэ боломуочуйалаах бэрэстэбиитэлэ Юрий Трутнев ыыппыт Уһук Илин социальнай-экэнэмиичэскэй…
СӨ Ил Дархана РФ Бэрэсидьиэнэ бырабыыталыстыба чилиэттэрин кытта ыыппыт сүбэ мунньаҕар кытынна. Мунньахха суол инфраструктуратын…