Дьокуускай – Аллараа Бэстээх хайысханан паром сырыыта саҕаланна

Чэппиэргэ, ыам ыйын 22 күнүгэр, Дьокуускай – Аллараа Бэстээх хайысханан паром үлэҕэ таҕыста.

Сарсыарда 09:20 чааска бастакы тэхиниичэскэй рейс оҥоһулунна. Бу туһунан СИА-ҕа «Паромы Якутии» УХ салайааччыта Николай Ефимов иһитиннэрдэ.

«Навигация арылынна. Сарсыарда Дьокуускайтан Аллараа Бэстээххэ диэри паромунан анал тиэхиньикэни таһарга бастакы рейси оҥордубут. Монтажниктар биэрэги причалларын оҥоро таҕыстылар. Ол кэннэ салгыы паромнар баҕалаахтары барыларын таһыахтара. Лииньийэҕэ барыта аҕыс паром үлэлиэҕэ», — Николай диэн Ефимов иһитиннэрдэ.

Дьокуускайтан накопителлэр үлэлииллэр, аныгыскы партияны көрсөргө бэлэмнэр.