Дьокуускай – Аллараа Бэстээх хайысханан паром сырыытын болдьоҕо уларыйда

Дьокуускай – Аллараа Бэстээх хайысханан паром сырыыта бу нэдиэлэ саҕаланыытыгар саҕаланара былааннаммыта. Ол да буоллар Өлүөнэ эбэҕэ муус ааһарынан болдьоҕо уларыйда.

Бу туһунан СИА-ҕа «Паромы Якутии» УХ салайааччыта Николай Ефимов иһитиннэрдэ.

«Өрүскэ сэдэхтик муус устар, онон муус баран бүтүөр диэри үлэлиир кыахпыт суох. Навигация арыйыы болдьоҕо нэдиэлэ бүтэһик күннэригэр халбарыйда. Паром сырыыта ыам ыйын 23-25 күннэригэр былааннанна. Бу кэмҥэ причаллары бэлэмнээһиҥҥэ үлэ барар. Сарсын тиэхиньикэ үлэтэ былааннанар, шлагбаум уонна светофор туруоруулара саҕаланыа», — диэн Николай Ефимов.

Кини этэринэн, бэнидиэнньиккэ, ыам ыйын 19 күнүгэр, «Саха сирин паромнара» уонна «АЯМ ассоциациятыттан» икки паром сылдьара бэлэмнэммитэ. Навигация саҕаланыытыгар суудуна ахсаана элбиэҕэ.