«Дьокуускай-Аллараа Бэстээх» хайысханан парому 10 тыһ.солк. туораталлар

«Дьокуускай-Аллараа Бэстээх» хайысханан паром сырыытын тарыыптарын эмискэ үрдэттилэр. Алтынньы 24 күнүттэн легковой массыынаны 10 тыһ.солк., микро-оптуобустары, внедорожниктары 15 тыһ. солк. туораталлар. «Паромы Якутии» дириэктэрэ Николай Ефимов СИА-ҕа иһитиннэрбитинэн, тарыыбы үрдэтии күһэлэҥ миэрэ буолла.

«Өрүс туруга күннэтэ уустугурар, кыдьымах күүскэ үөскүүр. Паромунан туоруон баҕарар легковой массыына олус элбэх,  таһаҕас тиэйэр массыыналары, суһал сырыылаах массыыналары аһардыбаттар. Маннык улахан массыыналар икки килэмиэтирдээх уочаракка турдулар. Хас да күн устата Госавтоинспекцияны кытта бу балаһыанньаны көннөрө сатаабыттара. Ол иһин бүгүҥҥүттэн легковой массыыналары 10 тыһ.солк, микро-оптуобустары уонна внедорожниктары 15 тыһ.солк. паромнар туоратыахтара. Бу таһаҕас тиэйэр массыыналар паромҥа киирэллэрин туһуттан оҥоһуллубут күһэлэҥ миэрэ буолар. Кинилэргэ тарыып уларыйбата», — диэн Николай Ефимов иһитиннэрэр.