Дьокуускай – Аллараа Бэстээх хайысханан тарыып 2500 солк. диэри түстэ

«Дьокуускай – Аллараа Бэстээх» хайысханан айанныыр салгын сыттыктарга тарыыптар түстүлэр. Бу туһунан Саха сирин Тырааныспарга министиэристибэтэ иһитиннэрэр.

Сэтинньи 7 күнүттэн Дьокуускай куорат 204-с түөлбэттэн («Намыв» ыстаансыйаттан) Мэҥэ Хаҥалас улууһун Аллараа Бэстээҕэр тиийэр пассажирдары таһыы сыаната 2500 солкуобайга диэри түстэ.

Таһаҕас тиэйэр тэрилтэлэр маннык быһаарыныыны Өлүөнэ өрүскэ муус турбутунан быһаардылар. Ол түмүгэр, салгын сыттыктаах суудуналар маршруттара кэминэн үлэлиир кыахтанна. Суудуналар күн аайы 07:00 чаастан 19:00 чааска диэри үлэлииллэр.