«Дьокуускай – Аллараа Бэстээх» хайысханан «Валдай» теплоход айан-сырыыга таҕыста

Субуотаҕа, бэс ыйын 28 күнүгэр, «Дьокуускай – Аллараа Бэстээх» хайысханан саҥа сырыы аһылынна.

Дьону тиһигин быспакка табыгастаах «Валдай» теплоход таһыаҕа. Аалга 45 киһи батар, ону таһынан доруобуйаларынан хааччахтаах дьоҥҥо аналлаах бары табыгастаах тэриллэрдээх, диэн СӨ Тырааныспарга министиэристибэтин пресс-сулууспата иһитиннэрэр.

Теплоход Дьокуускайтан Өлүөнэ өрүс пордугар баар «ДМ-21» дебаркадертан, оттон Аллараа Бэстээхтэн — хайа анныгар баар дебаркадертан айанныаҕа.

Айан сыаната — 700 солкуобай. Уон саастарыттан үөһэ оҕолорго – билиэт толору сыаната, биэстэн уоннарыгар диэри саастаах оҕолорго – 50%.

Биэс саастарыгар диэри оҕолорго айан босхо, ол гынан баран туспа миэстэтэ суох. «Валдай» теплоход маннык араспысаанньанан сылдьыаҕа:

• Дьокуускайтан: 8:00, 11:00, 13:30, 15:30, 18:00
• Аллараа Бэстээхтэн: 9:30, 12:30, 14:30, 17:00, 19:00