Дьокуускай — Аллараа Бэстээх хайысханан үс паром сылдьар диэн сымыйа сурах

Социальнай ситимнэргэ Дьокуускай — Аллараа Бэстээх хайысханан үс эрэ паром сылдьарын туһунан иһитиннэрии тарҕанна. СӨ Тыраныыспарга министиэристибэтэ уонна «Саха сирин паромнара» хампаанньа бу сураҕы сымыйа диэтилэр.

«Бүгүҥҥү күҥҥэ бу хайысханан өрүс суолунан аҕыс паром айанныыр. Ол иһигэр, алта паром «Саха сирин паромнара» хампаанньаттан уонна икки паром «Ассоциация строителей АЯМ» хампаанньаттан. Флоту туттарыы үлэтэ түмүктэнэн эрэр, онон навигация кэмигэр 13-кэ тиийэ паром айанныаҕа. Паром сырыытын «Паромы Якутии» мобильнай сыһыарыыга көрүөххэ сөп», — диэн Тырааныспар министиэристибэтэ иһитиннэрэр.

Социальнай ситимҥэ тарҕаммыт сураҕынан бэрэбиэркэни ыытыахтара.