Дьокуускай-Аллараа Бэстээх хайысхатынан паром сырыытыгар электроннай төлөбүр тиһигэ үлэлиэҕэ

Атырдьах ыйын 1 күнүттэн Дьокуускай-Аллараа Бэстээх хайысхатынан паром сырыытыгар айан төлөбүрүн причалларга терминал нөҥүө төлүүргэ электроннай тиһиги холбуохтара.

Бу туһунан Саха сирин Тырааныспарга министиэристибэтигэр иһитиннэрдилэр. Төлөбүр терминалларын өрүс икки кытылыгар причалларга туруордулар. Ону сэргэ «Паромы Якутии» мобильнай сыһыарыыга бары паромнар үлэлэрин туһунан иһитиннэриини, паром араспысаанньатын уонна тарыыптарын кытта билсиэххэ сөп.