Дьокуускай — Аллараа Бэстээх маршрутунан 13 паром үлэлиир

Бүгүн, от ыйын 6 күнүгэр, Дьокуускай — Аллараа Бэстээх маршрутунан паромҥа тиэхиньикэ хаһааҥҥытааҕар даҕаны элбиирэ бэлиэтэнэр.

Паромнар «Азия оҕолоро» норуоттар икки ардыларынааҕы спортивнай оонньуулар ыытыллар кэмигэр сибээстээн күүскэ үлэлииллэр. Бу туһунан Саха сирин Тырааныспарга министиэристибэтэ иһитиннэрэр.

Дьокуускай — Аллараа Бэстээх маршрутунан 13 паром үлэлиир, ол иһигэр «Саха сирин паромнара» ХЭУо — 9 уонна «АЯМ» тутааччыларын Ассоциацията» АХ — 4 парома.

Өрөбүл күннэргэ суудуналар күүстээх эрэсииминэн үлэлииллэр, сууккаҕа 4 рейс былааннаммытын оннугар 6-7 рейс оҥоһуллар. Паром сырыыта  30-тан 20 мүнүүтэҕэ диэри аччатылынна.

Ону сэргэ Хаҥалас- Суотту маршрутунан икки паром үлэлиир. Паром сырыыта кыраапыгынан оҥоһуллар:

— Суотту-Хаҥалас: 6:00, 9:00, 12:00, 15:00, 18:00;

— Хаҥалас-Суотту: 9:00, 12:00, 16:00, 18:00, 21:00.