Дьокуускай-Аллараа Бэстээх маршрутунан паром сырыыта түмүктэннэ

Алтынньы 28 күнүттэн Дьокуускай-Аллараа Бэстээх-Дьокуускай маршрутунан паром сырыыта түмүктэннэ. Бу туһунан  Саха сирин Тырааныспарга министиэристибэтэ иһитиннэрэр.

Алтынньы 26 күнүттэн Өлүөнэ өрүһүнэн кыһыҥҥы суол аһыллыар диэри  Жатай- Төхтүр маршрутунан «ЛОРП» ПАУо парома ледокол уонна буксир арыаллаах үлэлиир. Күн устата икки рейс толоруллуоҕа. Биир паром сырыытыгар  95-100 кыра массыына эбэтэр 25 таһаҕас тиэйэр тырааныспар батар.

Ону тэҥэ Дьокуускай куорат 204 түөлбэҕэ «Намыв» станцияттан Аллараа Бэстээххэ «Саха сирин тимир суоллара» хампаанньа пассажирдарын күүтэр пууҥҥа сарсыарда 8.00 киэһэ 18.00 чааска диэри салгын олобохтоох суудуналарынан уонна аэроботтарынан  пассажирдары таһыы оҥоһуллар.