Дьокуускай-Аллараа Бэстээх туһаайыытынан паром сырыыта ыам ыйын 20 күнүн эргин саҕаланыаҕа

Өрөспүүбүлүкэ киин куоратын аннынан муус барыытын ыам ыйын 14-16 күннэригэр сабаҕалыыллар. Ол курдук, Дьокуускай-Аллараа Бэстээх туһаайыытынан паром сырыыта ыам ыйын 20 күнүн эргин саҕаланыаҕа.

Дьокуускай аннынан Өлүөнэ өрүс аһыллыытын ыам ыйын 14-16 күннэригэр сабаҕалыыллар. “Паромы Якутии” УК салайааччыта Николай Ефимов СИА-ҕа  ыам ыйын 20 чыыһылатыгар паром сырыытын саҕалыахпыт диэн иһитиннэрдэ.

“2023 сылга Дьокуускай-Аллараа Бэстээх туһаайыытынан паромнар ыам ыйын 22 күнүттэн, былырыын ыам ыйын 26 күнүттэн сылдьыбыттара. Быйыл Дьокуускай аннынан өрүс эрдэлээн арыллыа диэн гидрологтар этэллэр. Муус устан барда даҕаны паромнар үлэлэрин саҕалыахтара. 20 чыыһыла диэки суоттанабыт”, — диэтэ Ефимов.