Дьокуускай-Аллараа Бэстээх туорааһыныгар паром куорпуһа алдьанна

Балаҕан ыйын 1 күнүгэр Дьокуускай-Аллараа Бэстээх хайысхатыгар паром долгуҥҥа оҕустаран, куорпуһугар алдьаныы таҕыста.

Суудунаҕа баар пассажирдары уонна массыыналары биричээлгэ аҕаллылар.

Эрэгийиэн тырааныспарга  министиэристибэтэ иһитиннэрбитинэн, суудуна «Даркылаах» туорааһыныгар чугаһаан иһэн эмсэҕэлээтэ. Ол кэмҥэ баарсаҕа 15 чэпчэки уйуктаах тырааныспар уонна таһаҕас тиэйэр икки массыына бааллара.

Билигин алдьаммыт суудунаттан уматыгын сүөкүүллэр. Өлүөнэ эбэ экологиятыгар куттал суоһаабат.

Дьокуускай уонна Аллараа Бэстээх икки ардыгар паром сырыыта тохтообот. Алдьаныыны-кээһэниини ылбыт Паром-8″ оннугар «Откос» суудунаны ыыттылар.