Дьокуускай аттынан муус хамсаата

Ыам ыйын 14 күнүгэр күнүс 2 чаас саҕана Өлүөнэ өрүскэ көмүөл алларааҥҥы кирбиитэ Дьокуускай куоракка тиийдэ.  Уу таһыма 436 см, оттон муҥутуур таһыма  — 970 см.

Өлүөхүмэ уонна Хаҥалас улуустарыгар муус хойуутук устар. Ленскэй оройуонун Витим-Пеледуй учаастагар сааскы халаан иккис долгуна бэлиэтэнэр — суукка иһигэр уу таһыма 50-70 см үрдээбит. Кэлэр сууккаҕа Ленскэй куорат чугаһыгар уу таһыма үрдүүрэ күүтүллэр.

Өлүөхүмэ куораттан чугас уу таһыма 665 см (түөрт чаас иһигэр 1 см эбиллэр) муҥутуур таһыма — 1060 см. Бу сиргэ  муус хойуутук устар.

Ыам ыйын 15-17 күннэригэр муус Дьокуускай-Граф Биэрэгин хайысхатынан устуоҕа. Ол аата көмүөл үс күн эрдэлээн иһэр.

Кэбээйи оройуонун иһинэн Алдан өрүстэн муус киириитин  долгуна салҕанар. Онон сибээстээн,  биир-икки күнүнэн Сангаар сэлиэнньэтин аттынан Өлүөнэ өрүскэ муус хамсааһына күүтүллэр. Манна муус устуута ыам ыйын 17 уонна 19 күннэригэр буолара сабаҕаланар, бу эмиэ орто көрдөрүүттэн 2-3 күн эрдэ.