Дьокуускай авиапордугар «Боотур» этэрээт байыастарын көрүстүлэр
14.02.2023, 10:37
СИА. Андрей Сорокин хаартыскаҕа түһэриилэрэ
Бөлөххө киир:
Бүгүн, олунньу 14 күнүгэр, сарсыарда эрдэ Былатыан Ойуунускай аатынан авиапорка өрөспүүбүлүкэтээҕи «Боотур» этэрээтин «Барс-2» подразделениетын хорсун-хоодуот байыастарын СӨ Бырабыыталыстыбатын бэрэссэдээтэлэ Андрей Тарасенко, чугас дьонноро, аймахтара, бойобуой дьайыылар бэтэрээннэрэ, Дьокуускайдааҕы кадеттар оскуолаларын бэрэстэбиитэллэрэ көрүстүлэр
Байыастар сэлэлээн турар кэмнэригэр премьер-миниистир Аҕа дойдуну хорсуннук, чиэстээхтик көмүскээбиттэрин иһин Саха сирин олохтоохторун ааттарыттын махтанна. «Эһиги инникитигэр туруоруммут бойобуой соругу эрэллээхтик толорбуккутугар ис сүрэхпиттэн махтанабын. Хас биирдиигитигэр Саха сирин олохтоохторуттан убаастабылы баҕарабын. Байыаннай иэскитин эрэллээхтик толорбуккутугар улахан махтал», – диэн байыастарга Андрей Тарасенко туһаайан эттэ. Кини үтүө үгэс быһыытынан байыастарга хас биирдиилэригэр саха быһахтарын туттартаата.
Байыастары дьон бары сүргэлэрэ көтөҕүллэн көрүстүлэр. Кинилэр бойобуой соруктарын толорбуттар уонна, саамай сүрүнэ, сүтүгэ суох кэлбиттэр.
«Биһиги бүгүн чугас дьоммутун олус үөрэн туран көрүстүбүт. Кинилэринэн киэн туттабыт«, — диэн байыас аймаҕа Виктория Алексеева санаатын үллэһиннэ.
«Барс-2» подразделение байыаһа «Батя»: «Оборуонаҕа турбуппут. Биһиги байыастарбыт хорсуннарын көрдөрдүлэр. Атын эрэгийиэннэр байыастарын ортолоругар улахан убаастабылы ыллылар. Саха байыастара бары өттүнэн бэлэмнээхтэрин, эрэллээхтэрин бары билэллэр, эрэнэллэр», — диэн эттэ.
+1
+1
+1
+1
+1
+1
+1
Сообщить об опечатке
Текст, который будет отправлен нашим редакторам: