Хаартыска: «Азия оҕолоро» оонньуу саайта
«Азия оҕолоро» уотун эстафетатын түмүктүүр түһүмэҕэ Дьокуускайга бу сыл бэс ыйын 26 күнүгэр ыытыллыаҕа.
Сарсыарда 10.00 чаастан эстафета уота киин куоракка Кыайыы болуоссатыттан саҕаланан, куорат киин уулуссаларын ааһыаҕа уонна Доҕордоһуу болуоссатыгар түмүктэниэҕэ. Ыалдьыттар уонна Дьокуускай куорат олохтоохторо бука бары «Азия оҕолоро» оонньуу сүрүн бэлиэтин таһыгар Опера уонна балет судаарыстыбаннай тыйаатырын иннигэр хаартыскаҕа түһүөхтэрин сөп.
Эстафетаҕа барыта 74 факелы тутан сүүрээччи спортсмен кыттыаҕа, ол иһигэр Ил Дархан Айсен Николаев, «Азия оҕолоро» норуоттар икки ардыларынааҕы кэмитиэт Бэрэсидьиэнэ Владимир Максимов, Арассыыйатааҕы Олимпийскай кэмитиэт Бэрэсидьиэнэ Станислав Поздняков уонна араас сылларга «Азия оҕолоро» оонньуулар выпускниктара кыттыахтара.
Оонньуулар саҕаланыан 100 хонук иннинэ Өлүөнэ очуостарын тэллэҕэр уматыллыбыт уот номнуо 37000 километры ааста уонна Саха сирин 35 улууһугар сырытта. Факелы 450 спортсмен уонна 900 волонтер тутан сүүрдүлэр.
«Азия оҕолоро» оонньуу аһыллыытын үөрүүлээх сиэригэр-туомугар эстафета уотун «Туймаада» стадиоҥҥа тиэрдиэхтэрэ.
Арина кыра оҕо ытыырыттан уһугунна. Арай өндөс гынан көрбүтэ, үстээх уола, алталаах кыыһа муостаҕа тохтубут…
Сай ортото буолла. Үгүс киһи уоппуска ылан ким оттуу, отоннуу, ким муораҕа сөтүөлүү тарҕаһар кэмэ…
2024 сыл тохсунньутугар Сунтаар улууһун Элгээйи сэлиэнньэтигэр быраас амбулаторията үөрүүлээх быһыыга-майгыга үлэҕэ киллэриллэн, 1,5 тыһыынчаттан…
Улуу Кыайыы 80 сылынан уоттаах сэрии толоонугар, ыраах тыылга да бэйэлэрин олохторун кэрэйбэккэ сэриилэһэн, охтон…
Кэлиҥҥи сылларга өрөспүүбүлүкэ оскуолаларыгар урбаан кииннэрэ тэриллэн, оскуола оҕолоро сувенир оҥоруутуттан саҕалаан, түргэнник ситэр салааны…
Саха сиригэр ханна даҕаны өрүс суола аһыллан, айан-сырыы үксээтэ. Айан хаһан даҕаны чэпчэки буолбат. Сыана…