Дьокуускай баазаларынан хомурдуоһунан сутуллубут бородууксуйаны атыылаабыттар

Муус устар 1 күнүттэн ыам ыйын 26 күнүгэр диэри Амур уобалаһын уонна Саха Өрөспүүбүлүкэтин Россельхознадзор управлениетын иниспиэктэрдэрэ Дьокуускай куоракка фрукта-оҕуруот аһын баазаларыгар биэс былаана суох эриэйдэни ыыппыттар.

Тэрээһин кэмигэр ФГБУ Иркутскайдааҕы «ВНИИЗЖ» филиалын лабораториятынан ыытыллыбыт чинчийиинэн урбаанньыттар атыылыыр икки баартыйатыгар маҥан фасоль уонна маш курууппата Callosobruchus хомурдуоһунан сутуллубутун булбуттар.

Чааһынай урбаанньыттарга сыһыаннаан бэрэбиэркэлээһин түмүгүнэн административнай боротокуоллар оҥоһулуннулар. Сутуллубут бородууксуйаны бас билээччилэр уматтылар. Бу туһунан СӨ Россельхознадзор управлениета иһитиннэрэр.