Хаартыска СӨ Култуураҕа уонна духуобунай сайдыыга министиэристибэтин пресс-кииниттэн.
Дьокуускай бибилэтиэкэтэ «Култуура» национальнай бырайыак чэрчитинэн саҥардыллыа.
Дьокуускай куорат кыраайы үөрэтэр бибилэтиэкэтэ — В.Г.Белинскэй аатынан 1 №-дээх филиала «Култуура» национальнай бырайыак сүүмэрдиир куонкуруһун кыайыылааҕынан буолла. Онон саҥардан, тупсаран оҥоруу үлэтигэр аҕыс мөл.солк. ылыаҕа диэн иһитиннэрэр СӨ Култуураҕа уонна духуобунай сайдыыга министиэристибэтин пресс-сулууспата.
Бибилэтиэкэни бэйэтин тг-ханаалыгар миниистир Афанасий Ноев эҕэрдэлээтэ.
-Үөрүүлээх бэлиэ түгэнинэн бибилэтиэкэ кэлэктиибин эҕэрдэлиибин. Модельнай бибилэтиэкэлэри сайыннарыы — судаарыстыба култуураҕа бэлиитикэтин тутаах соруктарыттан биирдэстэрэ. Биһиги өрөспүүбүлүкэбит ити хайысхаҕа инники күөҥҥэ сылдьар. Бэлиэтээн эттэххэ, өрөспүүбүлүкэҕэ билигин 504 муниципальнай уонна судаарыстыбаннай бибилэтиэкэ үлэлиир. 2019 сылтан өрөспүүбүлүкэҕэ 35 модельнай бибилэтиэкэ аһылынна — федеральнай бүддьүөт үбүн суотугар 15 бибилэтиэкэ саҥардылынна, эрэгийиэн бүддьүөтүн суотугар — 20 бибилэтиэкэ, — диэн суруйар миниистир.
СӨ Култуураҕа уонна духуобунай сайдыыга министиэристибэтин пресс-киинэ
Самаан сайыны көрсө дьон үксэ, сааһыттан тутулуга суох тупсуон, чэгиэнник, кэрэтик көстүөн баҕарар. Уойбут киһи…
Бүгүн, ыам ыйын 18 күнүн түүнүгэр, халаан уутуттан эмсэҕэлиир нэһилиэктэргэ уу киирэн, тиэргэннэри ылан, Нам…
Кутурук иилиммит, сирэйигэр куоска мааскалаах эрдэҕэс саастаах кыыс оҕо оонньуур былаһааккатыгар түөрт атах буолан сылдьарын…
Бэҕэһээ, ыам 17 күнүгэр, Амма улууһугар быйыл ыытыллар Олоҥхо ыһыаҕын тэрийэр кэмитиэт көһө сылдьар сүбэ-мунньаҕа…
Дьылбыт быйыл эрдэлээн иһэр буолан, сайылыктаахтар көһүүлэриттэн саҕалаан, тыа сиригэр үлэ тэтимэ биир кэм оргуйан…
Саас харалдьык саҕана тымныыны, хаары-ардаҕы билиммэккэ нуоҕайа үүнэр кэрэчээн ньургуһун сибэккини хоту сир дьоно олоххо…