Дьокуускай быраастара Эбээн Бытантай улууһун  300-чэ олохтооҕун доруобуйатын көрдүлэр

Ыарыыны сэрэтэр мэдиссиинэ өрөспүүбүлүкэтээҕи киинин  быраастара ахсынньы 8-19 күннэригэр Эбээн Бытантай улууһугар үлэлээтилэр.

Хойуу туман уонна тымныы күннэр тураннар, бу сырыыга сөмөлүөт тардыллан көттө. Түмүгэр быраастар барыта 287 киһи доруобуйатын көрдүлэр.

Быраастар иһитиннэриилэриттэн көрдөххө,  ханнык ыарыылаах дьон ордук элбэх эбитий?

Бастакы миэстэҕэ — хаан эргиирин систиэмэтин ыарыылара — 45%;

-Иккискэ – куртах-оһоҕос ыарыылара — 21%
— Үһүскэ эндокриннай систиэмэ ыарыылара — 12 %.

Ыарыыны сэрэтэр киин быраастара диспансерга хабыллар ыарыһахтары кытары үлэни тупсарарга уонна хаан эргиирин, уҥуох-быччыҥ, тыынар уорганнар, эндокриннай систиэмэ ыарыыларын сэрэтии боппуруостарыгар мэдиссиинискэй үлэһиттэр үлэни актыыбынайдык ыыталларыгар сүбэлээтилэр.