Килбиэннээх куорат аныгы көстүүтэ. Ааптар түһэриитэ
Дьокуускай куоракка «Килбиэннээх үлэ куората» диэн үрдүк сыанабылы биэрбиттэриттэн сүргэм олус да көтөҕүлүннэ. Ол ыар сылларга көлөһүннэрин тохпут, сыраларын уурбут үтүө-мааны дьоммут мичик гынан үөрэн сэгэйэн турар сэбэрэлэрин көрбүт курдук буоллум…
Кинилэр оҕолоруттан ордорон, аччыктыылларын, буһалларын-хаталларын да кэрэйбэккэ барытын фроҥҥа диэн олороохтоотохторо.
Дьокуускай өрөгөйө — Саха сирин бүттүүнүн өрөгөйө!
Мин эһэм Петр Алексеевич Захаров-Уһун Бүөтүр уҥуоҕунан кыра буолан, хомууртан сыыйыллан, Эһэ Хайа шахтатыгар үлэ пуруонугар үлэлээбитэ. Эбэм Корякина Ирина Софроновна эмиэ Бүлүүттэн үгүс эдэр ыччаты кытары күргүөмүнэн ол шахтаҕа үлэлээбиттэр. Сэрии кэннинэ, 1946 сыллаахха ол ыраах дойдуга кыайыы үөрүүтүн билэн, дьоллорун булан, кыыс оҕолонон дойдуларыгар, I Күүлэккэ, кэлэн олохсуйбуттара. Эһэм үлэни өрө туппут хоһуун киһи этэ, стахановец бэлиэлээҕэ. Онон, бу Дьокуускай куораппыт, Саха сирэ кыайыыны уһансыбытын хас эмэ уонча сыл буолан баран, дойдубут үрдүкү салайааччылара билиммиттэрэ — норуоппут ситиһиитэ, Аҕа баһылыкпыт Айсен Николаев тылыгар киллэрэн, хас биирдиибит үлэһит-хоодуот дьоннорбутугар сүгүрүйүү бэлиэтэ. Владимир Путин ыйааҕынан Дьокуускайга «Килбиэннээх үлэ куората» үрдүк ааты иҥэриллэрин кытта, мин тута эһэбин, эбэбин санаабытым. Тыыннаахтарыгар күлүккэ хаалбыт дьоммут бу сырдаан тулабытыгар араҥаччылыы, хаххалыы турарга дылылар…
Антонина УСКЕЕВА
ИДьМ сулууспатын 1 №-дээх полициятын отделын дьуһуурунай чааһыгар куорат таһынааҕы олохтооҕо тыллаабыт. Эр киһи массыыната…
Cаҥа дьылы кэтэһии бырааһынньыктааҕар ордук үчүгэй, күүтүүлээх, күндү курдук буолар. Оннук күндү кэтэһиини биһиги бэйэбит…
Ил Дархан Айсен Николаев бэрэссэдээтэллээх “Кыайыы туһугар бииргэ!” өрөспүүбүлүкэтээҕи хамыыһыйа мунньаҕар, байыаннай дьайыыга кытта сылдьар…
Ааспыт нэдиэлэҕэ Хотугулуу-Илиҥҥи федеральнай университекка үрдүк үөрэх кыһатын мэдиссиинэ институтун бэрэстэбиитэллэрэ үөрэххэ туттарсааччылары, төрөппүттэри, педагогтары…
Айсен Николаев Саха сирин норуоттарын муусукатын уонна фольклорун түмэлигэр РФ култууратын үтүөлээх үлэһитэ, өрөспүүбүлүкэ норуотун…
ИДьМ сулууспатын Сунтаар улууһун отделын холуобунай ирдэбил үлэһиттэрэ 24 саастаах олохтоох киһи баантан харчыны уорбутугар…