Дьокуускай фонтаныгар ханнык быраабылалар тутуһуллуохтааҕый?

Дьокуускай куорат болуоссатыгар фонтан үлэтин саҕалаата. Манан ситимнээн СӨ Ил Дарханын дьыалаларын управлениета уонна өрөспүүбүлүкэ бырабыыталыстыбата  күн ахсын киэһэ 20.00 чаастан 21.00 чааска диэри болуоссакка фонтан кэрэ көстүүлэригэр  ыҥырар.

Муусука уонна уу сүүрүгүрэр тыаһыгар уйдаран, киэһээҥҥи холку сынньалаҥ куорат олохтоохторугар уонна ыалдьыттарыгар сырдык, үтүө эрэ эйгэни үксэтэр кыахтаах.

Ол эрээри куорат биир кэрэ көстүүтэ — фонтаны көрүүгэ,  тула сылдьыыга сөптөөх быраабыланы тутуһарга ыҥырар. Уу күүстээхтик сүүрэр, тыгар буолан, оҕолордоох сылдьарга төрөппүттэр оҕолоргутун фонтаҥҥа аһары чугаһатымаҥ. Фонтаҥҥа сөтүөлээһин, ол-бу малы-салы быраҕыы бобуллар.