Дьокуускай киинигэр быстах кэмҥэ тырааныспар сырыытын  хааччахтыахтара

Ахсынньы 1 күнүгэр Дьокуускай киин уулуссаларыгар киэһэ 16:50 чаастан 17:45 чааска диэри тырааныспар сырыыта хааччахтаныаҕа. Маннык быһаарыныы «Кыһын Саха сириттэн саҕаланар» бэстибээли ыытыынан сибээстээн ылылынна, диэн куорат мэриятын пресс-сулууспата иһитиннэрэр.

Хааччахтааһын бу уулуссаларга киириэҕэ:

• Ленин проспега — Петровскай уулуссаттан Чиряев уулуссатыгар диэри учаастакка;
• Короленко уулусса — Ленин проспегыттан Орджоникидзе уулуссаҕа диэри учаастакка;
• Октябрьскай уулусса — Орджоникидзе уулуссаттан Ярославскай уулуссаҕ диэри учаастакка;
• Киров уулусса — Орджоникидзе уулуссаттан Ярославскай уулуссаҕа диэри учаастакка;
• Аммосов уулусса — Орджоникидзе уулуссаттан Ярославскай уулуссаҕа диэри учаастакка;
• Курашов уулусса — Орджоникидзе уулуссаттан Ярославскай уулуссҕа диэри учаастакка.