Дьокуускай киинигэр массыына умайда

Бэс ыйын 19 күнүгэр күнүс Дьокуускай куорат Лермонтов уулуссатыгар Toyota Land Cruiser мааркалаах массыына умайда. Быһылаан буолбут сиригэр баһаарынайдар тиийдилэр диэн СИА суруйар. 

СӨ быыһыыр сулууспатын пресс-сулууспата иһитиннэрбитинэн, быһылааҥҥа ким даҕаны эчэйбэтэх.

«Массыына бүтүннүү умайда. Эмсэҕэлээччи суох. Билиҥҥитэ баһаар биричиинэтэ быһаарыллар. Баһаары умуруорууга биир тиэхиньикэ уонна биэс киһи үлэлээтэ», — диэн пресс-сулууспаҕа бэлиэтээтилэр.