Хаартыска: Андрей Сорокин, ЯСИА
Дьокуускай куорат киинигэр массыынаны туруоруу төлөбүрдээх буолуо. Бу саҥа уларыйыыны суол быраабылатын мэлдьи кэһэр суоппардары утары охсуһарга оҥорон таһаарыахтара. Бу туһунан куорат мэриятын суол инфраструктуратын уонна тырааныспарын департаменын салайааччыта Эдуард Садовников «Якутия 24» телеханаалга «Биһигиттэн биирдэстэрэ» биэрии кэмигэр иһитиннэрдэ.
«Биһиги куорат киин өттүгэр массыыналар бэрээдэгэ суох турар кыһалҕатын быһаарарга үлэлиибит. Холобур, Ленин проспега. Сайыҥҥы кэмҥэ онно суол бэлиэлэрин уонна рейдэлэри аахсыбакка массыыналарын туруораллар», — диэн Садовников эттэ.
Мэрия уонна ГАИ бу кыһалҕаны быһаарарга бииргэ үлэлииллэр уонна ханна түбэһиэх турар массыыналары эвакуациялыыллар. Департамент салайааччыта этэринэн, бу систиэмэ үп-харчы киллэринэр сыалтан буолбакка, суоппардары бэрээдэккэ үөрэтэр соруктаах оҥоһуллуо. Тоҕо диэтэххэ, сокуону кэһэн туруоруллубут массыына суол атын кыттааччыларыгар, ол иһигэр оптуобустарга, мэһэйдиир.
«Биир эмит массыына сыыһа турдаҕына, биир балаһа сүтэр. Билигин биһиэхэ улахан оптуобустар бааллар, кинилэргэ суолга эргийэргэ олус уустук», — диэн Садовников эттэ.
Ол да буоллар, куорат киинэ бүтүннүүтэ төлөбүрдээх буолуо суоҕа, дьаһалта «сөптөөх ахсааннаах босхо турар сирдэри» хаалларыа. Бастаан үлэ тургутар эрэсииминэн саҕаланыа, саҥа киллэрии хайдах сайдан иһэрин туһунан мэрия бэйэтин саайтыгар уонна телеграм-ханаалларыгар сырдатан иһиэ.
Дьокуускай куораттааҕы үөрэх управлениета иһитиннэрбитинэн, олунньу 11 күнүнээҕи туругунан, 20 үөрэх тэрилтэтигэр ОРВИнан сибээстээн быстах…
Ханнык баҕарар балыгы буһарыах иннинэ маринадка туруордахха, олус минньигэс буолар. Оттон ону эбии пиибэлээх клярга…
Суруйааччы Константин Эверстов кылгас кэм иһигэр икки саҥа кинигэтэ таҕыста. Ол курдук, ааспыт сыл ахсынньытыгар…
Фронт кирбиитигэр саха конструктордара оҥорбут сеткомёттарын бэрэбиэркэлээн көрөн баран, байыаннайдар үрдүк сыананы биэрдилэр. Бу туһунан…
Арассыыйа Баанын Саха сиринээҕи салаатыгар түөкүттэргэ албыннаппаттарын уонна үптэрин-харчыларын сүтэрбэттэрин туһугар килийиэннэрин көмүскээбит баан үлэһиттэрин…
Таатта улууһугар СӨ ситэриилээх былааһын уорганнара 2025 сыллааҕы үлэлэрин түмүгүнэн отчуоттара саҕаланна. Бырабыыталыстыба оробуочай бөлөҕүн…